ESTER BIL-GRIEG F - Maltese Bible with DC

4[1] Imbagħad Mordekaj qal: “Dan kollu ġej minn Alla.; waħda għall-poplu ta’ Alla u l-oħra għall-bqija tal-ġnus.

11[8] U dawn iż-żewġ xorti ġew fis-siegħa u l-ħin fil-jum li Alla għażel għall-ħaqq tal-ġnus kollha.

12[9] Alla ftakar fil-poplu tiegħu, għamel ġustizzja mal-wirt tiegħu,

13[10] għalhekk dawn il-jiem, l-erbatax u l-ħmistax tax-xahar ta’ Adar, jiċċelebrawhom b’laqgħat ta’ ferħ u hena quddiem Alla, għal dejjem, minn nisel għal nisel tal-poplu ta’ Iżrael.”Għeluq

14[11] Fir-raba’ sena tas-saltna ta’ Tolemew u Kleopatra, Dositew, li kien jgħid li kien qassis u Levita, u Tolemew, ibnu, ġiebu din l-ittra tal-Purim, u ddikjaraw li hi ġenwina u li kien ittraduċieha Lisimaku bin Tolemew, li kien joqgħod Ġerusalemm.