ESDRA Ħarsa ħafifa lejn il-ktieb - Maltese Bible with DC
Ħarsa ħafifa lejn il-ktiebDan il-ktieb jieħu l-isem tal-karattru prinċipali fit-tieni taqsima tiegħu. L-ewwel 6 kapitli huma ripetizzjoni tal-messaġġ uffiċjali ta’ Ċiru li ta permess lil-Lhud jirritornaw lejn pajjiżhom. Għalhekk, nistgħu ngħidu li jiġbed mit-tmiem tat-tieni ktieb tal-Kronaki.Il-Lhud reġgħu lura biex jibnu t-tempju, imma għal darb’oħra reġgħu waqgħu fil-ħażen għax ittieħdu mill-imġiba tal-popli ta’ madwarhom. Dawn ħolqulhom ħafna inkwiet li fisser ukoll li x-xogħol fuq it-tempju waqaf għal numru ta’ snin. Fil-fatt, il-bini tat-tempju spiċċa għal kollox fis-sena 515 QK.Fl-ewwel parti ta’ dan il-ktieb naqraw ukoll fuq il-problemi li l-Lhud iltaqgħu magħhom aktar tard meta kellhom iwaqqfu l-bini tas-swar tal-belt fi żmien il-ħakma ta’ Artasersi (4,6-23). It-tieni parti, imbagħad, tlaqqagħna ma’ Esdra li jasal fil-belt ta’ Ġerusalemm biex jgħallem il-Liġi ta’ Alla lill-poplu ta’ Ġuda.Esdra tkexkex meta induna bil-ħażen li l-poplu kien reġa’ waqa’ fih, influwenzat mill-ġnus ta’ madwaru. Kien jaf li l-poplu kien qed jirriskja li jintilef għalkollox taħt il-ġudizzju ta’ Alla. Għalhekk ħa fuqu r-responsabbiltà li jitlob u jistqarr dnub il-poplu quddiem Alla. Hekk il-Lhud nidmu minn dnubiethom u qablu li jerġgħu jibdew jobdu l-Liġi ta’ Alla.Aktar tagħrif dwar dak li għamel Esdra mal-poplu naqrawh fil-Ktieb ta’ Neħemija.Esdra ma kellu l-ebda dubju li l-poplu ma kienx ġens indipendenti, imma hu għaraf li ġejja minn fejn hi ġejja l-ħakma fuqhom, Alla waħdu kellu l-kontroll sħiħ fuq il-poplu li kien għażel għalih. Għalhekk qal:Ikun imbierek il-Mulej, Alla ta’ missirijietna, li qanqal lis-sultan biex isebbaħ it-tempju tal-Mulej f’Ġerusalemm, li wera t-tjieba tiegħu miegħi biex nogħġob lis-sultan, lill-kunsillieri tiegħu, u lill-ogħla uffiċjali tas-saltna. Jien għamilt il-qalb, għax id il-Mulej, Alla tiegħi, kienet fuqi, u ġbart madwari xi kapijiet ta’ Iżrael biex intellagħhom miegħi Ġerusalemm (7,27-28).It-taqsim tal-ktiebL-ewwel ritorn mill-eżilju (1,1—2,70)It-Tempju mibni u ddedikat (3,1—6,22)Esdra jġib lura xi eżiljati oħra (7,1—10,44)
