1“Dakinhar, oraklu tal-Mulej, jaqilgħu mill-oqbra l-għadam tas-slaten ta’ Ġuda, u l-għadam tal-prinċpijiet, u l-għadam tal-qassisin, u l-għadam tal-profeti, u l-għadam tan-nies ta’ Ġerusalemm,, li huma ħabbewhom u qdewhom u marru warajhom, u ħadu l-parir tagħhom u qiemuhom. Ma jiġbruhomx, u ma jidfnuhomx, imma jħalluhom bħad-demel f’wiċċ l-art.
6Jien qgħadt attent u smajt,
u huma jgħidu dak li mhux sewwa.
M’hemmx bniedem niedem minn ħżunitu
u jgħid: ‘X’għamilt?’
Ilkoll qabdu l-ġirja tagħhom,
bħal żiemel imlebbet għat-taqtigħa.
7Imqar il-laqlâq tal-ajru
jagħraf żmienu;
il-gamiema, il-ħuttafa, u l-għarnuq
iħarsu ż-żmien tal-passa tagħhom.
Imma l-poplu tiegħi ma jagħrafx id-dritt tal-Mulej.
8Kif tistgħu tgħidu: ‘Aħna għorrief
u l-liġi tal-Mulej magħna?’
Għax tassew gidba għamlet minnha
il-pinna giddieba tal-iskribi.
9L-għorrief jitħawdu,
jitħabblu u jinqabdu.
Arawhom, ċaħdu l-kelma tal-Mulej,
u issa x’għerf baqgħalhom?Korruzzjoni kullimkien
10“Għalhekk jien nerħi lin-nisa tagħhom
f’idejn ħaddieħor,
ir-raba’ tagħhom lil sidien oħra;
għax miż-żgħir sal-kbir,
kollha għatxana għas-serq;
mill-profeta sal-qassis
kollhom qerq f’għemilhom.
11Idewwu l-ġerħa ta’ bint il-poplu tiegħi
bħallikieku xejn u jgħidu:
“Sliem, Sliem,” u sliem m’hemmx!
12Imisshom jistħu bil-qżież li għamlu;
imma huma ma jistħux
u anqas wiċċhom ma jafu jħammru.
Għalhekk għad jaqgħu
ma’ dawk li diġà waqgħu;
jiġġarrfu f’jum kastighom,
jgħid il-Mulej.
13Għalkollox intemmhom,
oraklu tal-Mulej,
ma jibqax għeneb fid-dielja,
lanqas tin fit-tina,
sal-weraq jidbiel,
u nibagħtilhom min jgħaffiġhom.
14“Għalfejn qegħdin hawn aħna?
Ħa ninġabru u nidħlu fl-ibliet armati,
u nintemmu hemm.
Għax il-Mulej, Alla tagħna,
se jeqridna!
Se jisqina ilma avvelenat,
għax dnibna kontra l-Mulej.
15Stennejna s-sliem,
imma ma sibna ebda riżq;
is-siegħa tal-fejqan,
imma ma sibniex ħlief twerwir!
16Minn Dan jinstema’ l-infiħ lehġien; taż-żwiemel tiegħu
iż-żehir tal-qawwijin tiegħu
titriegħed l-art kollha kemm hi.
Jiġu u jibilgħu l-art b’kulma fiha,
lill-belt u n-nies li jgħammru fiha.
17Għax, arawni, sriep velenużi
se nitlaq f’nofskom,
li ebda seħer ma jagħmel bihom,
u għad jigdmukom,”
oraklu tal-Mulej.L-għali tal-Profeta
18M’hemmx fejqan għall-għali tiegħi,
qalbi nfniet!
19Isimgħu! L-għajta mbikkija ta’ bint il-poplu tiegħi,
l-għajta minn art imbiegħda!
“Ma għadux il-Mulej f’Sijon?
M’għadux hemm is-sultan tagħha?”
Għaliex inkewni bl-idoli tagħhom,
bil-frugħat tal-barranin?
20“Għadda żmien il-ħsad,
intemm is-sajf,
u aħna għadna ma ħlisniex.”
21Minħabba l-ġerħa ta’ bint il-poplu tiegħi
jien miġruħ.
Qabadni swied il-qalb,
qabadni t-tkexkix.
22M’hemmx aktar balzmu f’Gilgħad?
Ebda tabib ma hemm?
Għaliex, mela, ma għalqitx
il-ġerħa ta’ bint il-poplu tiegħi?
23Mhux li kien xi ħadd jagħmel minn rasi għajn ta’ ilma,
u min għajnejja nixxiegħa ta’ dmugħ,
ħa nibki lejl u nhar
il-maqtulin ta’ bint il-poplu tiegħi!
Who We AreWhat We EelieveWhat We Do
2025 by iamachristian.org,Inc All rights reserved.
