NUMRI 25 - Maltese Bible with DC

Kapitlu 25

1Iżrael kien qiegħed f’Sittim, u l-poplu tkasbar u waqa’ fiż-żina mal-bniet ta’ Mowab.

4U l-Mulej qal lil Mosè: “Aqbad lill-kapijiet kollha tal-poplu u għallaqhom f’ġieħ il-Mulej għad-dawl tax-xemx, u terġa’ lura l-qilla tal-Mulej minn Iżrael.”

5U Mosè qal lill-imħallfin ta’ Iżrael: “Oqtlu kull wieħed minnkom lil niesu li ntrabtu ma’ Bagħal ta’ Pegħor.”Eż 18,25.

6U, ara, wieħed minn ulied Iżrael ġieb f’nofs ħutu waħda Midjanija quddiem Mosè u quddiem għajnejn il-ġemgħa kollha ta’ wlied Iżrael, li kienu qegħdin jibku quddiem il-bieb tat-tinda tal-laqgħa.Eż 2,15.

7Malli ra dan Fineħas bin Elgħażar, bin Aron, il-qassis, qam minn nofs il-ġemgħa u qabad lanza f’idu.Eż 6,25.

8U mar jiġri wara r-raġel Iżraeli fil-kamra tas-sodda, u nifidhom it-tnejn flimkien, lir-raġel Iżraeli u l-mara taħt żaqqha; u l-flaġell waqaf minn fost ulied Iżrael;1 Kor 10,8.

9imma kienu diġà nqerdu erbgħa u għoxrin elf.

10U l-Mulej kellem lil Mosè u qallu:

11“Fineħas bin Elgħażar, bin Aron, il-qassis, raġġa’ lura l-korla tiegħi minn fuq ulied Iżrael; xegħel bl-għira għal ġieħi fosthom, u ma qridtx lil ulied Iżrael fis-saħna tal-għira tiegħi.Dt 4,24.

12Għalhekk għidlu: Arani! Jien nagħtih il-patt tiegħi tas-sliem.Eż 32,25-29; Lev 1,7; Dt 33,8-11; 1 Mak 2,26; Sir 45,23-26; Eżek 44,15.

13U jkun għalih u għal nislu warajh il-patt tas-saċerdozju għal dejjem għaliex kien għajjur għal Alla tiegħu, u patta għal ulied Iżrael.”

14U l-Iżraeli, il-maqtul mal-Midjanija, kien jismu Żimri bin Salu, prinċep ta’ familja mit-tribù ta’ Simgħon.

15U l-mara Midjanija li qatel kien jisimha Kożbi bint Sur, il-kap ta’ dar missirijietu f’Midjan.

16U l-Mulej kellem lil Mosè u qallu:

17“Aħbat għall-Midjanin u oqtolhom,Num 31,2-12.

18għax huma ħarbtu lilkom bil-qerq tagħhom u waqqgħukom fil-ġrajja ta’ Pegħor, u minħabba oħthom Kożbi, bint il-prinċep ta’ Midjan, li baqgħet mejta fi żmien il-flaġell minħabba l-ġrajja ta’ Pegħor.”