ĠEREMIJA 52 - Maltese Bible with DC

Kapitlu 52L-assedju u l-waqgħa ta’ Ġerusalemm

1Sedekija kellu wieħed u għoxrin sena meta beda jsaltan u dam isaltan ħdax-il sena f’Ġerusalemm, u ommu kien jisimha Ħamutal, bint Ġeremija minn Libna., fl-għaxar xahar, fl-għaxra tax-xahar, Nabukodonosor, sultan ta’ Babilonja, tela’ għal Ġerusalemm, hu u l-eżerċtu tiegħu kollu, u waqqfu l-kamp quddiemha, u tella’ ħajt dawramejt magħha. l-għaxra tax-xahar - kienet id-dsatax-il sena tas-sultan Nabukodonosor, sultan ta’ Babilonja - Nebużardan, kmandant tal-għases, wieħed minn ta’ madwar is-sultan ta’ Babilonja, daħal Ġerusalemm.

13Ħaraq it-tempju tal-Mulej, u l-palazz tas-sultan, u d-djar kbar kollha ta’ Ġerusalemm.

14U s-suldati kollha tal-Kaldin, li kienu mal-kmandant tal-għases, ġarrfu s-swar kollha ta’ madwar Ġerusalemm.

15U kull min kien fadal mill-poplu, li kienu baqgħu fil-belt, u dawk li kienu ċedew u għaddew għal mas-sultan ta’ Babilonja, u l-bqija kollha tan-nies, Nebużardan, il-kmandant tal-għases ħadhom fl-eżilju.

16Nebużardan, il-kmandant tal-għases, ħalla xi wħud minn fost il-fqar tal-pajjiż biex jaħdmu d-dwieli u r-raba’.

17U l-Kaldin kissru l-kolonni tal-bronż, li kien hemm fit-tempju tal-Mulej, u l-maqgħad u l-vaska tal-bronż li kienet fit-tempju tal-Mulej, u ġarrew il-bronż tagħhom lejn Babilonja.

18U ħadu l-borom, u l-pwali, u l-imqassijiet, u l-bwieqi, u t-tagħmir kollu tal-bronż li kienu jinqdew bihom fit-tempju.

19U l-kmandant tal-għases ħa wkoll il-kwies, il-kwiener, il-baċili, il-borom, l-imnajjar, it-tazez u l-kalċijiet, u kulma kien tad-deheb, b’deheb, u kulma kien tal-fidda, b’fidda.

20U ż-żewġ kolonni, u l-vaska, u t-tnax-il barri tal-bronż li kienu taħtha, u l-imqagħad li kien għamel is-sultan Salamun għat-tempju tal-Mulej: il-bronż tagħhom ma kontx tiżnu.

21Iż-żewġ kolonni, imbagħad, kull waħda kienet tmintax-il driegħ għolja, u ħajta ta’ tnax-il driegħ kienet id-dawra tagħhom, u l-ħxuna tagħha kienet ta’ erba’ swaba’ u vojta minn ġewwa.

22Fuqha kellha kapitell tal-bronż, li kien għoli ħamest idriegħ, u madwar il-kapitell kien hemm girlanda u rummien madwaru, kollox tal-bronż; u l-istess il-kolonna l-oħra: kellha girlanda, iddur magħha u mżejna bir-rummien ukoll.

23Ir-rummien kienu sitta u disgħin waħda maqlugħa ’l barra; b’kollox mitt rummiena madwar il-girlanda.

24Il-kmandant tal-għassiesa ħa wkoll lil Xeraja, il-qassis il-kbir, u lil Sefonija, il-qassis ta’ warajh, u t-tliet għassiesa tal-bieb.

25U mill-belt ħa wieħed uffiċjal, li kien jieħu ħsieb in-nies tal-gwerra; u sebat irġiel oħra li kienu midħla tas-sultan, li kienu jinsabu l-belt; u s-segretarju tal-kmandant tal-eżerċtu, li kien idaħħal in-nies tal-pajjiż fl-eżerċtu; u sittin raġel tal-pajjiż li kienu nstabu f’nofs il-belt.

26Lil dawn ilkoll Nebużardan, il-kmandant tal-għases, ħadhom u ġiebhom għand is-sultan ta’ Babilonja f’Ribla.

27U s-sultan ta’ Babilonja darabhom u qatilhom f’Ribla fl-art ta’ Ħamat.

Hekk Ġuda ġie tturufnat ’il bogħod minn artu.

28Dan hu l-poplu li eżilja Nabukodonosor: Fis-sena sebgħa, tlitt elef u tlieta u għoxrin minn nies Ġuda.

29Fis-sena tmintax, imbagħad, ta’ Nabukodonosor, kienu tturufnati tmien mija u tnejn u tletin ruħ minn Ġerusalemm.

30Fis-sena tlieta u għoxrin ta’ Nabukodonosor, Nebużardan, il-kmandant tal-għases, eżilja seba’ mija u ħamsa u erbgħin minn nies Ġuda, b’kollox erbat elef u sitt mitt ruħ.

31U ġara li fis-sena sebgħa u tletin tal-eżilju ta’ Ġeħojakin, sultan ta’ Ġuda, fit-tnax-il xahar, fil-ħamsa u għoxrin tax-xahar, Evil-merodak, sultan ta’ Babilonja, fis-sena li laħaq sultan, rafa’ ras Ġeħojakin, sultan ta’ Ġuda, u ħarġu mill-ħabs li kellu fil-ħabs, u beda jiekol kuljum miegħu tul għomru kollu.

34U l-ikel tiegħu ta’ kuljum kien jingħatalu mingħand is-sultan ta’ Babilonja, is-sehem ta’ kuljum f’jiemu, tul il-jiem kollha ta’ ħajtu.