2 KRONAKI 20 - Maltese Bible with DC

Kapitlu 20It-talba ta’ Ġosafat

1Wara dawn il-ġrajja ġew għal Ġosafat biex jitqabdu miegħu wlied Mowab u wlied Għammon flimkien ma’ xi wħud mill-Megħunin.

2U ġew xi messaġġiera u qalu lil Ġosafat: “Ġejja għal fuqek kotra kbira min-naħa l-oħra tal-baħar, minn Edom, u qegħdin f’Ħasson-tamar, li hi Għajn-geddi.”

3U Ġosafat baża’ u dawwar wiċċu biex jitlob il-Mulej, u nieda sawma għal Ġuda kollu.

18U Ġosafat niżel wiċċu fl-art; u Ġuda kollu, u dawk kollha li jgħammru f’Ġerusalemm inxteħtu quddiem il-Mulej biex jadurawh.

19U l-Leviti minn ulied Keħat u minn ulied Koraħ qamu jfaħħru l-Mulej, Alla ta’ Iżrael, b’leħen qawwi u għoli.

20U filgħodu bakkru u ħarġu lejn id-deżert ta’ Tekugħa; u huma u sejrin, Ġosafat waqaf u qal: “Isimgħuni, intom nies ta’ Ġuda, intom li tgħammru f’Ġerusalemm! Emmnu fil-Mulej, Alla tagħkom, u titwettqu; emmnu fil-profeti tiegħu u tirbħu.”

22U meta bdew jgħannu u jfaħħru lil Alla, il-Mulej qiegħed nasba għal ulied Għammon u Mowab u għal dawk li jgħammru fuq il-muntanja ta’ Xegħir, li ġew għal Ġuda; u sfaw mirbuħa.

23Għaliex in-nies ta’ Għammon u ta’ Mowab qamu għan-nies li jgħammru fuq il-muntanja ta’ Xegħir, u qerduhom għalkollox. Wara li qerdu lin-nies ta’ Xegħir, għenu lil xulxin biex jeqirdu wieħed lil ieħor.

24Xħin Ġuda waslu l-għolja li tħares fuq id-deżert, ħarsu lejn il-kotra, u rawhom mejtin fl-art: ħadd minnhom ma kien ħeles.

25U Ġosafat ġie bin-nies tiegħu biex jiġbru l-priża minn fuqhom u sabu kotra ta’ bhejjem, u ġid, u lbies, u oġġetti oħra prezzjużi, u tant ħadu minnhom li ma setgħux iġorruhom. Damu tlitt ijiem sħaħ iġorru, tant kienet kbira l-priża.

26Fir-raba’ jum inġabru Wied Berakah - għax hemm bierku l-Mulej; għalhekk dak il-post isejħulu: Wied Berakah.

27Imbagħad reġgħu lura n-nies kollha ta’ Ġuda u Ġerusalemm, bis-sultan Ġosafat quddiemhom, lejn Ġerusalemm kollha ferħana, għax il-Mulej ferraħhom bir-rebħa fuq l-għedewwa tagħhom.

28U daħlu Ġerusalemm u fid-dar tal-Mulej bid-daqq tal-arpi, iċ-ċetri u t-trombi.

29U l-biża’ ta’ Alla waqa’ fuq is-saltniet kollha tal-art, meta semgħu kif il-Mulej tqabad mal-għedewwa ta’ Iżrael.Dt 2,25.

30U s-saltna ta’ Ġosafat sabet il-kwiet għaliex Alla tiegħu tah il-mistrieħ minn kull naħa.

Il-mewt ta’ Ġosafat

31U Ġosafat saltan fuq Ġuda; ħamsa u tletin sena kellu meta beda jsaltan, u saltan ħamsa u għoxrin sena f’Ġerusalemm; ommu kien jisimha Għażuba bint Silħi.1 Slat 22,41-51.

32U mexa fit-triq ta’ missieru Asa bla ma tbiegħed xejn minnha, u għamel dak li jogħġob lill-Mulej.

33Imma ma qeridx is-santwarji u l-poplu kien għadu ma dawwarx qalbu lejn Alla ta’ missirijiethom.2 Kron 17,6.

34U l-bqija tal-ġrajja ta’ Ġosafat, mill-bidu sal-aħħar, huma miktuba fil-Ktieb tal-Ġrajja ta’ Ġeħu bin Ħanani, u mdaħħlin fi Ktieb is-Slaten ta’ Iżrael.

35Wara dawn il-ġrajja Ġosafat, sultan ta’ Ġuda, issieħeb ma’ Aħażija, sultan ta’ Iżrael, li kien qiegħed jagħmel il-ħażin.

36Issieħeb miegħu biex jibnu iġfna li jmorru Tarsis, u bnew iġfna f’Għesjon-geber.

37Imma Eligħeżer bin Dodawa, minn Maresa, beda jħabbar kontra Ġosafat u jgħid: “Talli int isseħibt ma’ Aħażija, qered il-Mulej kulma għamilt.” U l-iġfna tkissru u ma setgħux imorru Tarsis.