1U David staqsa: “Hemm xi ħadd li għadu ħaj mid-dar ta’ Sawl, biex nurih imħabbti f’ġieħ Ġonatan?”
5U s-sultan David bagħat għalih u ġabuh mid-dar ta’ Makir bin Għammijel minn Lodebar.
6U Mefiboset bin Ġonatan, bin Sawl, resaq quddiem David u niżel wiċċu fl-art quddiemu u tah qima. U David qal: “Mefiboset!” U dak wieġbu: “Qaddej tiegħek!”
7U David qallu: “La tibżax, għax se nagħmel ħniena miegħek f’ġieħ Ġonatan missierek; irroddlok lura l-oqsma kollha ta’ missierek Sawl, u inti tiekol mill-mejda tiegħi għal dejjem.”
8U niżel wiċċu fl-art quddiemu u tah qima u qallu: “X’inhu l-qaddej tiegħek biex inti dawwart wiċċek lejn kelb mejjet bħali?”
9U s-sultan sejjaħ lil Siba, il-qaddej ta’ Sawl, u qallu: “Kulma kellu Sawl u d-dar tiegħu tajtu lil bin sidek.
10Inti taħdimlu r-raba’, inti u wliedek u l-qaddejja tiegħek; u int iġġib il-frott lil bin sidek, ħalli dar sidek ikollhom x’jieklu; imma Mefiboset bin Sidek jibqa’ jiekol dejjem mill-mejda tiegħi.” Siba, li kellu ħmistax-il tifel u għoxrin qaddej,
11wieġeb lis-sultan: “Kulma ordna sidi s-sultan lill-qaddej tiegħu, hekk jagħmel il-qaddej tiegħu.” U Mefiboset baqa’ jiekol mill-mejda tas-sultan bħallikieku wieħed minn uliedu.
12Mefiboset kellu tifel żgħir jismu Mika; u dawk kollha li kienu joqogħdu f’dar Siba kienu qaddejja ta’ Mefiboset.
Who We AreWhat We EelieveWhat We Do
2025 by iamachristian.org,Inc All rights reserved.
