1U ġietni l-kelma tal-Mulej u qalli:
2“O bniedem, ħabbar u għidilhom:
Dan jgħid Sidi l-Mulej:
Ibku! Jaħasra għal dakinhar!
3Qorob il-Jum, qorob Jum il-Mulej!
Jum imsaħħab ikun waqt il-ġnus!
4Tasal ix-xabla fuq l-Eġittu,
u jkun hemm swied il-qalb f’Kus,
meta jaqgħu l-maqtulin fl-Eġittu.
Jeħdulhom ġidhom, u jiġġarrfu sisienhom.
5Kus, u Put, u Lud, u l-Għarabja kollha,
u Kub u n-nies tal-pajjiż imsieħeb miegħu
jaqgħu taħt ix-xabla.
6Dan jgħid il-Mulej;
Jaqgħu dawk li għenu lill-Eġittu,
u l-kburija ta’ qawwietu titniżżel;
minn Migdol sa Suweni
bix-xabla għad jaqgħu fih,
oraklu ta’ Sidi l-Mulej.
7“Tkun art xagħrija f’nofs artijiet xagħrija, u blietu jkunu ħerba f’nofs bliet imħarbta.
8“U jkunu jafu li jien il-Mulej, meta jien inkebbes nar fl-Eġittu u jitfarrku dawk kollha li jgħinuh.
9“Dakinhar joħorġu u jitilqu minn għandi messaġġiera ħfief biex ibeżżgħu lil Kus bla ħsieb; u dawn jaqbadhom biża’ kbir f’jum l-Eġittu, għax tassew ikun wasal.
10“Dan jgħid Sidi l-Mulej:
Jien intemm il-ġid tal-Eġittu permezz ta’ Nabukodonosor, sultan ta’ Babilonja.
11Hu u l-poplu tiegħu, l-iktar b’saħħtu fost il-ġnus, jinġiebu biex iħarbtu l-art, u jisiltu x-xwabel kontra l-Eġittu u l-pajjiż jimlewh bil-maqtulin., fl-ewwel xahar, fis-sebgħa tax-xahar, ġietni l-kelma tal-Mulej u qalli:
21“O bniedem, il-Fargħun, sultan tal-Eġittu, kissirtlu driegħu, u, ara, mhux infaxxat: ma dewwewhx, ma rabtuhx bil-faxex, biex jieħu saħħtu u jaqbad ix-xabla.”
22Għalhekk dan jgħid Sidi l-Mulej:
“Arani għal wara l-Fargħun, sultan tal-Eġittu, u jien inkissirlu dirgħajh it-tnejn, id-driegħ is-sħiħ u d-driegħ il-miksur, u nwaqqagħlu x-xabla minn idu.
23U nxerred l-Eġizzjani fost il-ġnus, u nferrixhom fl-artijiet.
24“Insaħħaħ dirgħajn is-sultan ta’ Babilonja u nagħtih ix-xabla tiegħu f’idu u nkisser dirgħajn il-Fargħun u dan jaqa’ midrub u jokrob quddiemu.
25Jien insaħħaħ dirgħajn is-sultan ta’ Babilonja, u dirgħajn il-Fargħun jintelqu. Ħa jkunu jafu li jien il-Mulej, meta nagħti x-xabla tiegħi f’id is-sultan ta’ Babilonja, u jvenvinha fuq l-art tal-Eġittu.
26“U jien inxerred l-Eġizzjani fost il-ġnus, u nferrixhom fl-artijiet kollha, u jkunu jafu li jien il-Mulej.”
Who We AreWhat We EelieveWhat We Do
2025 by iamachristian.org,Inc All rights reserved.
