1Kif daħlu f’Ekbatana, Tobija qal lil sieħbu: “Ħija Għażarija, ħudni dritt għand qaribna Ragħwel!” U ħadu għand Ragħwel, u sabuh bilqiegħda fil-bieb tal-bitħa, u sellmulu huma l-ewwel, u hu qalilhom: “Sliem sħiħ għalikom, ħuti, wasaltu sewwa, qawwijin u sħaħ!”
2U daħħalhom f’daru, u qal lil martu Għedna: “Ara kemm jixbah lil ħija Tobit dan iż-żagħżugħ!”
3Għedna mbagħad bdiet tistaqsihom: “Mnejn intom, ħuti?” “Aħna minn ulied Naftali,” weġbuha, “mill-itturufnati f’Ninwè.”
4“Tafu lil Tobit, qaribna?” staqsiethom. U huma weġbuha: “Nafuh.”
U Ragħwel wieġbu: “Hekk nagħmel: nagħtiha lilek skont il-liġi tal-Ktieb ta’ Mosè; is-sema stess qatagħha li nagħtiha lilek. Ħu lil oħtok. Minn issa ’l quddiem int ħuha u hi oħtok. Tiegħek hi mil-lum ’il quddiem għal dejjem. U Sid is-sema jagħtikom ir-risq il-lejla, ibni; iħenn għalikom u jagħtikom is-sliem.”
13Ragħwel sejjaħ lil bintu Sara, u meta ġiet, ħadilha idha u taha lil Tobija, u qallu: “Ħudha kif għandi nagħtihielek b’martek skont il-liġi u l-ordni li hemm miktuba fil-Ktieb ta’ Mosè. Żommha għalik, u ħudha għand missierek qawwija u sħiħa. Alla tas-smewwiet iwassalkom bis-sliema.”Ħelsien mid-demonju
15Ragħwel sejjaħ lil martu Għedna, u qalilha: “Oħti, lesti l-kamra l-oħra tar-rqad, u daħħal fiha lil Sara.”
16Għedna marret u lestiet il-kamra kif qalilha, u daħħlet lil Sara fiha bid-dmugħ f’għajnejha minħabba fiha. Imbagħad ixxuttat id-dmugħ u qaltilha:
17“Agħmel il-qalb binti, Sid is-smewwiet jagħtik ir-risq wara dan l-għali kollu tiegħek. Qawwi qalbek, binti.” U ħarġet minn hemm.
Who We AreWhat We EelieveWhat We Do
2025 by iamachristian.org,Inc All rights reserved.
