1Aħjar fama tajba miż-żejt prezzjuż,
aħjar jum il-mewt minn jum it-twelid.
2Aħjar tmur f’dar il-vistu
milli f’dar fejn hemm festa;
għax hemm il-ħaj iġib f’moħħu
kif dak hu tmiem il-bniedem.
3Aħjar wiċċ imnikket milli daħkan,
għax b’niket il-wiċċ titjieb il-qalb.
4Qalb l-għorrief tkun f’dar il-vistu,
u qalb il-boloh f’dar il-ferħ.
5Aħjar tisma’ ċ-ċanfir tal-għaref,
milli tisma’ l-għana tal-boloh:
6għax bħaċ-ċaqċiq tax-xewk jaqbad taħt il-borma,
hekk id-daħka tal-iblah.
Imma dan ukoll hu frugħa,
7għax il-moħqrija tħawwad moħħ l-għaref,
u r-rigali jħassrulu qalbu.
8Aħjar ittemm ħaġa milli tibdieha,
aħjar tistabar milli titkabbar.
9Tħallix il-korla tikbes malajr f’qalbek,
għax f’qalb il-boloh tbejjet il-korla.
10Tistaqsix:
“Kif inhi li ż-żminijiet ta’ dari
kienu aħjar minn tal-lum?”
Mhix ta’ għaref mistoqsija bħal din.
11Tajjeb l-għerf flimkien mal-ġid,
u jiswa għal min jara dawl ix-xemx.
12Fih kenn l-għerf u fihom kenn il-flus;
imma aħjar l-għerf
għax iħarreġ għall-ħajja lil min għandu lilu.
13Ħares lejn għemil Alla: jista’ xi ħadd jiddritta dak li Hu għamel mgħawweġ? fittex gawdi u f’jum l-għawġ oqgħod aħseb: l-għawġ u r-riżq qassamhom Alla biex il-bniedem xejn ma jikxef dwar il-ġejjieni tiegħu.
15Minn kollox rajt matul il-ħajja fiergħa tiegħi: mill-ġust li jmut minkejja tjubitu sal-ħażin li jtawwal għomru minkejja ħżunitu..
27“Ara x’sibt,” jgħid Koħèlet “wara li flejt ħaġa b’ħaġa biex insib tarf il-problema
28u għadni nfittex u ma sibtux: raġel f’elf sibtu, iżda mara fost in-nisa ma sibtx waħda”
29Ara dan biss sibt: li Alla għamel il-bniedem dritt, iżda huma jfittxu tagħwiġ bla għadd.
Who We AreWhat We EelieveWhat We Do
2025 by iamachristian.org,Inc All rights reserved.
