1“Jekk raġel jieħu mara u jiżżewwiġha, u mbagħad ma tkunx togħġbu għax ikun sab fiha xi ħaġa mhix xierqa, jiktbilha l-kitba tad-divorzju, u jagħtihielha f’idha, u jibgħatha ’l barra minn daru.
6“M’għandek tieħu xejn b’rahan mill-mitħna, la ħaġra ta’ fuq u lanqas il-ħaġra ta’ taħt, għax tkun qiegħed tieħu b’rahan il-ħajja ta’ dak li jkun.
7“Jekk jinqabad xi ħadd li jkun seraq lil xi wieħed minn ħutu, minn ulied Iżrael, u ijassru u jbigħu, dan il-ħalliel għandu jmut, u hekk tkun qridt il-ħażen minn ġo nofsok.
8“Fil-mard tal-ġdiem qisu sewwa li tagħmlu kulma jgħallmukom il-qassisin Leviti, bħalma jien diġà ordnajtilkom hekk tagħmlu.
10“Jekk tislef xi ħaġa lil għajrek, tidħolx ġewwa daru biex tieħu r-rahan tagħha,
11iżda ibqa’ barra, u r-raġel li tkun sliftu joħroġ u jġiblek ir-rahan barra.
12Jekk ikun xi bniedem fqir, la torqodx bir-rahan tiegħu;
13imma ma’ nżul ix-xemx qis li r-rahan troddulu lura, u hu jorqod bil-libsa tiegħu u jbierkek; u int ikollok il-ħlas quddiem il-Mulej.
14“La żżommx il-ħlas tal-miskin u l-fqir, sew jekk ikun wieħed minn ħutek, sew jekk ikun wieħed mill-barranin, li jkun jgħammar fi bliet artek.
17“La tgħawwiġx id-dritt tal-barrani jew tal-iltim; u lanqas tieħu b’rahan il-libsa tal-armla.
19“Meta tkun taħsad il-ħsad fir-raba’ tiegħek, u tinsa warajk xi qatta fl-għalqa, terġax lura biex tiġborha, imma ħalliha għall-barrani u l-iltim u l-armla, biex ibierkek il-Mulej, Alla tiegħek, f’kulma jagħmlu idejk.Eż 23,11; Dt 26,12-13; Lev 19,9-10; 23,22; Rt 2,2.
20Meta tfarfar iż-żebbuġ tiegħek, la tlaqqatx li jibqa’ fil-friegħi; ħallihom għall-barrani, għall-iltim u għall-armla.
21Meta tiġbor l-għeneb mid-dwieli tiegħek, la tiġborx li jifdal warajk, imma ħallihom għall-barrani, għall-iltim u għall-armla.
22Ftakar li int kont ilsir fl-Eġittu; għalhekk jien qiegħed nordnalek li tagħmel dan.
Who We AreWhat We EelieveWhat We Do
2025 by iamachristian.org,Inc All rights reserved.
