1Il-kelma li ġiet ’il Ġeremija mingħand il-Mulej fl-għaxar sena ta’ Sedekija, sultan ta’ Ġuda, it-tmintax-il sena ta’ Nabukodonosor.
6U Ġeremija qal: “Ġietni l-kelma tal-Mulej u qalli:
7Ara! Ħanamel bin Sallun, zijuk, ġej għandek biex jgħidlek: ‘Ixtri għalik l-għalqa tiegħi li hemm f’Għanatot, għax int għandek id-dritt li tixtriha u tifdiha.’ ”
8U ġie għandi Ħanamel, bin zijuwi, bħalma kien qalli l-Mulej, fil-bitħa tal-għassa u qalli: “Ixtri l-għalqa tiegħi li hemm f’Għanatot li tiġi fl-art ta’ Benjamin, għax int għandek id-dritt tal-proprjetà u tifdiha. Ixtriha!” U għaraft li kienet il-kelma tal-Mulej.
9U xtrajt l-għalqa mingħand Ħanamel, bin zijuwi, li kienet f’Għanatot, u wiżintlu l-flus, sbatax-il xekel tal-fidda.
10U mbagħad ktibt il-kuntratt u ssiġillajtu, sejjaħt ix-xhieda u wiżint il-flus fil-miżien.
11U ħadt il-kitba tax-xiri ssiġillata li kien fiha l-ftehim u l-kundizzjonijiet, u l-kopja miftuħa.
12U tajt dan il-kuntratt tax-xiri lil Bàruk bin Nerija, bin Maħseja, quddiem Ħanamel bin zijuwi, u quddiem ix-xhieda, li kienu ffirmaw dan il-kuntratt tax-xiri, u quddiem il-Lhud kollha li kienu qegħdin fil-bitħa tal-għassa.
36“Issa għalhekk: Dan jgħid il-Mulej Alla ta’ Iżrael, dwar din il-belt, li intom qegħdin tgħidu li se tintreħa f’idejn is-sultan ta’ Babilonja bix-xabla, bil-ġuħ u bil-pesta:
37‘Arawni, jien niġborhom mill-artijiet kollha li fihom xerridthom fl-għadab tiegħi, fis-saħna u l-qilla kbira tiegħi, u nġibhom lura f’dan il-post, u nagħmel li jgħammru fiż-żgur b’moħħhom mistrieħ.
42“Għax dan jgħid il-Mulej: ‘Kif ġibt fuq dan il-poplu din il-ħsara kollha, hekk issa għad inġib fuqhom il-ġid kollu li jien wegħedthom.
Who We AreWhat We EelieveWhat We Do
2025 by iamachristian.org,Inc All rights reserved.
