DANJEL BIL-GRIEG 7 - Maltese Bible with DC

Kapitlu 7L-erba’ bhejjem fil-ħolma ta’ Danjel

1Fl-ewwel sena ta’ Beltassar, sultan ta’ Babilonja, Danjel ħolom ħolma, u kellu dehriet f’moħħu waqt li kien mimdud fuq friexu. Wara mbagħad huwa kiteb ġabra tagħha fil-qosor.;

3u mill-baħar ħarġu erba’ bhejjem kbar, waħda mhijiex bħall-oħra.

4L-ewwel waħda kienet qisha ljun bil-ġwienaħ ta’ ajkla. Jiena u nħares, ġwenħajha nqalgħulha; intrefgħet mill-art, waqqfuha fuq riġlejha bħal bniedem, u tawha qalb ta’ bniedem.

5U ara, kien hemm bhima oħra, it-tieni waħda, qisha ors, u waqqfuha fuq ġenb wieħed; f’ħalqha, bejn snienha, kellha tliet kustilji. ‘Qum,’ qalulha, ‘kul laħam kemm trid.’

6Imbagħad ħarist, u ara, kien hemm oħra, qisha ljupard b’erba’ ġwienaħ ta’ tajra fuq dahru; din il-bhima kellha erbat irjus, u tawha setgħa kbira.

7Wara dan ħarist fl-istess dehriet li kelli billejl, u ara, kien hemm ir-raba’ waħda, bhima tal-biża’ u twerwrek, ta’ saħħa tal-għaġeb, bi snien kbar tal-ħadid; bdiet tiekol u tfarrak, u tgħaffeġ il-fdal taħt saqajha. Din kellha għaxart iqrun, u ma kinitx bħall-bhejjem l-oħra ta’ qabilha.; tlieta mill-qrun l-oħra nqalgħu minn għeruqhom quddiem dan il-qarn li kellha għajnejn bħal ta’ bniedem u fommu jlablab ħafna kliem arroganti.

9“Kont għadni qiegħed inħares,

meta tqiegħdu xi tronijiet,

u wieħed Xiħ fl-għomor qagħad bilqiegħda;

ilbiesu abjad silġ, u xuxtu bajda suf;

ilsna tan-nar it-tron tiegħu,

nar iħeġġeġ ir-roti tiegħu;

10xmara ta’ nar kienet għaddejja,

ħierġa minn quddiemu;

eluf ta’ eluf kienu jaqduh,

u għaxart elef ta’ għaxriet ta’ eluf wieqfa quddiemu.

Il-Qorti qagħdet bilqiegħda,

u l-kotba nfetħu.

11“Jien bqajt inħares; imbagħad, minħabba l-għajjat u l-kliem arroganti li kien qiegħed jgħid il-qarn, waqt li kont inħares, lill-bhima qatluha, u ġisimha qerduh u tawh għan-nar.,

ġej mis-sħab tas-sema,

li baqa’ sejjer sax-Xiħ fl-għomor

u ressquh quddiemu.

14U tawh ħakma, ġieħ, u saltna,

biex lilu jaqdi kull ġens, u poplu, u lsien.

Ħakmietu ħakma għal dejjem li ma tgħaddix,

u saltnatu li ma tinqeridx.

15“Jien, Danjel, ħassejtni mnikket fija nnifsi fl-ispirtu, u d-dehriet ta’ moħħi ħawduni.

16Ersaqt lejn wieħed minn dawk li kienu hemm wieqfa, u staqsejtu fuq dan kollu biex inkun żgur. U hu kellimni u għarrafni xi tfisser din il-ħaġa.

17‘Dawn l-erba’ bhejjem kbar huma erba’ slaten li għad jiġu fuq l-art.

18Imma s-saltna jirċevuha l-qaddisin ta’ Alla l-Għoli, u s-saltna tibqa’ tagħhom għal dejjem, u għal dejjem ta’ dejjem.’ l-Għoli biex jifni lill-qaddisin tal-Għoli, u jkun irid ibiddel iż-żminijiet u l-liġi, u dawn jingħatawlu f’idejh għal żmien, żminijiet u nofs żmien.Dan 11,36; 8,14; 12,7; Apk 12,14.

26Imbagħad il-Qorti toqgħod bilqiegħda, u s-setgħa tiegħu jeħduhielu, biex ineħħuh u jeqirduh u jtemmuh.

27Is-saltna u s-setgħa u l-kobor tas-saltniet ta’ taħt is-smewwiet kollha jingħataw lill-poplu tal-qaddisin ta’ Alla l-Għoli. Saltnatu saltna għal dejjem, u kull setgħa taqdih u tisma’ minnu.’

28Sa hawn; tmien id-diskors. Jien, Danjel, tħawwadt ħafna b’dawn il-ħsibijiet, il-bixra ta’ wiċċi tbiddlet, u żammejt dan kollu f’qalbi.”