1Jien ġejt fil-ġnien tiegħi,
oħti, għarusa tiegħi,
niġbor il-mirra tiegħu, u l-balzmu wkoll,
niekol ix-xehda tiegħi, u wkoll l-għasel,
nixrob mill-inbid tiegħi, u l-ħalib tiegħi.
Kulu, ħbieb tiegħi,
għeżież, ixorbu u iskru!Ir-raba’ taqsima tal-GħanjaL-għarusa
2Jiena rieqda, iva, iżda qalbi tishar.
Leħen il-maħbub tiegħi! Qed iħabbat:
“Oħti, ħabiba tiegħi, ejja iftaħli,
ħamiema tiegħi, int bla nuqqas!
Rasi mimlija nida,
in-nokkli bin-nida ta’ billejl.”
3Jien ġa neħħejt minn fuqi l-libsa tiegħi,
kif nerġa’ nxiddha?
Jiena ġa ħsilt riġlejja,
u kif nerġa’ nħammiġhom?
4Imbagħad il-maħbub tiegħi daħħal idu
mir-rewwieħa tal-bieb;
ħassejt tregħid ġo fija minħabba fih.
5Qomt jiena stess niftaħ lill-maħbub tiegħi;
u jdejja qattru l-mirra
subgħajja l-mirra safja,
fuq maqbad il-lukkett.
6Lill-maħbub tiegħi jiena stess mort ftaħtlu
iżda l-maħbub kien diġà dar u telaq!
Ħassejtni ruħi ħierġa minħabba fih.
Fittixtu, u ma sibtux,
sejjaħtlu, u ma weġibx!
7Iltaqgħu miegħi mbagħad in-nies tal-għassa,
dawk li mal-belt iduru,
u tawni s-swat, ġerrħuni,
ħaduli sal-mantell
l-għassiesa tas-swar.
8Bniet ta’ Ġerusalemm, nitlobkom b’ħerqa,
jekk intom issibuh il-maħbub tiegħi,
x’sejrin tgħidulu?
Li mradt bl-imħabba.Il-kor
9X’inhu aħjar mill-bqija l-maħbub tiegħek,
l-isbaħ fost in-nisa?
X’inhu aħjar mill-bqija l-maħbub tiegħek,
biex inti qed titlobna hekk bil-ħerqa?
L-għarusa10Il-maħbub tiegħi abjad u ħamrani,
jagħrfuh fost għaxart elef;
11rasu hi deheb mill-ifjen,
bħall-palm in-nokkli tiegħu,
u suwed daqs iċ-ċawl.
12Għajnejh bħal ħamimiet
maġenb nixxiegħa ilma,
jinħaslu fil-ħalib,
qegħdin ħdejn fawwara.
13Ħaddejh ħmiemel tal-balzmu,
mixtliet ta’ ħxejjex ifuħu ħafna.
Xufftejh qishom ġilji,
iqattru mirra safja.
14Idejh boċċi tad-deheb,
b’ħaġar għani ta’ Tarsis imwaħħal fihom.
U ħdanu biċċa avorju
miksi bis-saffiri.
15Riġlejh bħal żewġ kolonni tar-rħam abjad,
imqiegħda fuq sisien ta’ deheb mill-ifjen.
Is-sura tiegħu bħal tal-Libanu,
maestuża bħaċ-ċedri.
16Kliemu kollu ħlewwa;
u kollox jgħaxxqek fih.
Dan huwa l-maħbub tiegħi, dan ħabibi,
bniet ta’ Ġerusalemm.
Who We AreWhat We EelieveWhat We Do
2025 by iamachristian.org,Inc All rights reserved.
