1Għall-mexxej tal-kor. Ta’ wlied Koraħ. Salm.
2Popli kollha, ċapċpu idejkom,
għajtu b’leħen ta’ ferħ lil Alla!
3Għax il-Mulej, l-Għoli, hu tal-biża’,
sultan kbir fuq l-art kollha.
4Irażżan il-popli taħtna,
il-ġnus iqiegħed taħt riġlejna.
5Hu jagħżlilna l-wirt tagħna,
il-kburija ta’ Ġakobb, il-maħbub tiegħu.
6Tela’ Alla b’għajjat ta’ ferħ,
il-Mulej bid-daqq tat-trombi.
7Għannu lil Alla, għannu,
għannu lis-sultan tagħna, għannu.
8Għax Alla s-sultan tal-art kollha:
għannulu bis-sengħa għanja sabiħa.
9Isaltan Alla fuq il-ġnus kollha,
joqgħod Alla fuq it-tron imqaddes tiegħu.
10Jinġemgħu l-kbarat tal-popli
mal-poplu ta’ Alla ta’ Abraham.
Għax ta’ Alla huma l-kapijiet tal-art;
hu fl-għoli fuq kulħadd.
Who We AreWhat We EelieveWhat We Do
2025 by iamachristian.org,Inc All rights reserved.
