SALMI 43 - Maltese Bible with DC

Salm 43Tnehid għall-ħelsien u x-xewqa għat-tempju

1Agħmel ħaqq miegħi int, Mulej,

u min-nies bla tjieba ddefendi l-kawża tiegħi;

min-nies qarrieqa u ħżiena eħlisni.

2Inti l-kenn tiegħi, o Alla;

għaliex warrabtni?

Għax għandi ngħix imdejjaq

taħt it-tagħkis tal-għadu?

3Ibgħat id-dawl tiegħek u s-sewwa tiegħek;

huma jmexxuni;

iwassluni sl-għolja mqaddsa tiegħek

u sal-għerejjex tiegħek.

4U nidħol ħdejn l-artal ta’ Alla,

ħdejn Alla, ferħ u hena tiegħi.

U rroddlok ħajr biċ-ċetra,

o Alla, Alla tiegħi.

5Għaliex tintelaq, ruħ tiegħi,

u titħawwad ġewwa fija?

Ittama f’Alla, għax jien nibqa’ nfaħħru;

hu l-għajnuna tiegħi u Alla tiegħi!