1Jiena r-ranġisa ta’ Saron,
il-ġilju tal-widien.
2Bħal ġilju qalb ix-xewk,
hekk hi l-maħbuba tiegħi fost ix-xebbiet.
3Tuffieħa qalb is-siġar tal-foresta
hekk huwa l-maħbub tiegħi qalb iż-żgħażagħ.
Kollni mixtieqa qgħadt bilqiegħda f’dellu,
u ħelu hu l-frott tiegħu għal togħmti.
4Daħħalni fil-kantini tal-inbid,
l-istendard tiegħu fuqi hi l-imħabba.
5Ejjew għinuni bil-ftajjar taż-żbib,
aħjuni bit-tuffieħ,
għax imradt bl-imħabba.
6- Bi driegħu tax-xellug iwieżen rasi,
u bil-lemin jgħannaqni.
7Bniet ta’ Ġerusalemm, nitlobkom b’ħerqa,
f’ġieħ l-għażżiela jew iċ-ċriev tar-raba’,
la tqajmux, le, la tqajmux l-imħabba,
qabel ma jogħġob lilha.
It-tieni taqsima tal-Għanja12Fuq l-art ġa deher il-ward,
iż-żmien tal-għana wasal,
fuq artna nstama’ leħen il-gamiem.
13Diġà beda mit-tin ħiereġ il-frott,
in-nwar tad-dwieli jxerred riħa ħelwa.
Maħbuba tiegħi, qum,
ejja, ġmiel tiegħi!
14Ħamiema tiegħi ġewwa x-xquq tal-blat,
moħbija ġo xi rdum,
urini wiċċek,
semmagħli leħnek,
għax leħnek ħlejju,
u sbejjaħ wiċċek.
15Aqbdulna l-volpijiet,
il-frieħ tal-volpijiet,
dawk li jeqirdu d-dwieli,
għaliex id-dwieli tagħna ħarġu n-nwar.”
16Hu tiegħi l-maħbub tiegħi, jiena tiegħu,
li jirgħa qalb il-ġilji.
17Qabel ma taqa’ s-sirda
u d-dellijiet jaħarbu,
dur ’l hawn …! Maħbub tiegħi,
kun ixbah lill-għażżiela,
inkella ’l ferħ iċ-ċriev,
fuq il-muntanji ta’ Beter.
Who We AreWhat We EelieveWhat We Do
2025 by iamachristian.org,Inc All rights reserved.
