1“Meta tara l-baqra ta’ ħuk jew in-nagħġa tiegħu mitlufa, la tagħmilx ta’ birruħek ma rajthomx, imma ħudhom lil ħuk., u titlef il-wiċċ li tkun żrajt u l-frott tad-dwieli.Drittijiet taż-żwieġ
13“Jekk wieħed jiżżewweġ mara u jersaq lejha, u mbagħad jumbraha,
14u jaqla’ fuqha ħwejjeġ mhux xierqa, u jxerrdilha fama ħażina, u jgħid: ‘Din il-mara ħadtha, ersaqt lejha u ma sibtilhiex il-provi tax-xbubija,’
15il-missier u l-omm tat-tifla jaqbdu u jieħdu l-provi tax-xbubija tat-tifla quddiem ix-xjuħ fil-bieb tal-belt.
16U missier it-tifla jgħid lix-xjuħ: ‘Tajt lil binti lil dan ir-raġel u issa umbraha.
17U ara, qiegħed jaqla’ fuqha ħwejjeġ mhux xierqa, u jgħid: ‘Lil bintek ma sibtilhiex il-provi tax-xbubija.’ Dawn huma l-provi tax-xbubija ta’ binti.’ U jifirxu l-liżar quddiem ix-xjuħ tal-belt.
18U x-xjuħ ta’ dik il-belt jaqbduh u jikkastigawh.
19U jwaħħluh mitt xekel tal-fidda u jagħtuhom lil missier it-tifla, għax ikun xerred fama ħażina fuq xebba ta’ Iżrael; u hu għandu jżommha b’martu u ma jista’ jwarrabha qatt f’għomru.
20“Imma jekk dan ikun minnu u ma jinstabux il-provi tax-xbubija tax-xebba,
21jieħdu t-tifla fil-bieb ta’ missierha, u jħaġġruha l-irġiel tal-belt tagħha sakemm tmut, għax tkun għamlet għajb f’Iżrael li żniet f’dar missierha. Hekk int teqred il-ħażen minn ġo nofsok.
22“Jekk raġel isibuh mimdud ma’ mara miżżewġa, għandhom imutu t-tnejn; ir-raġel li mtedd magħha, u l-mara miegħu; u hekk teqred il-ħażen minn Iżrael.
23“Jekk tifla xebba tkun mgħarrsa ma’ raġel, u jsibha raġel ieħor fil-belt u jimtedd magħha,
24oħorġuhom it-tnejn fil-bieb tal-belt, u ħaġġruhom sakemm imutu t-tnejn; it-tifla għax ma għajtitx fil-belt, u r-raġel għaliex tellef ġieħ il-mara ta’ għajru; u hekk teqred il-ħażen minn ġo nofsok.
25“Jekk ir-raġel isib it-tifla mgħarrsa fir-raba’ u jisfurzaha, u jimtedd magħha, imut biss ir-raġel li jkun imtedd magħha.
26Lit-tifla ma tagħmlilha xejn, għax it-tifla ma tkunx ħatja tal-mewt; għax dan bħal meta jħebb wieħed għal għajru, u jneħħilu ħajtu.
27Għax hu jkun sabha fir-raba’, u t-tifla mgħarrsa għajtet, u ma kienx hemm min jeħlisha.
28“Jekk raġel jiltaqa’ ma’ xebba mhix mgħarrsa, u jaqbadha u jimtedd magħha, u jinkixfu,Eż 22,16-18.
29ir-raġel li jkun imtedd magħha jagħti ħamsin xekel tal-fidda lil missier it-tifla, u jeħodha b’martu, billi jkun tellfilha ġieħha, u ma jkun jista’ jwarrabha qatt f’għomru.
Who We AreWhat We EelieveWhat We Do
2025 by iamachristian.org,Inc All rights reserved.
