DANJEL BIL-GRIEG 8 - Maltese Bible with DC

Kapitlu 8Il-muntun u l-bodbod fid-dehra ta’ Danjel

1Fit-tielet sena tas-saltna tas-sultan Beltassar, jien, Danjel, kelli dehra oħra wara dik li kelli qabel.

2Ħarist lejn id-dehra, u jiena u nħares sibt ruħi f’Susa, il-fortizza li hemm fil-provinċja ta’ Għelam. Bqajt inħares fid-dehra, u sibt ruħi ħdejn ix-xmara Ulaj.

3Erfajt għajnejja nħares, u ara, kien hemm muntun wieqaf quddiem ix-xmara; kellu żewġt iqrun it-tnejn għoljin, imma wieħed kien ogħla mill-ieħor minkejja li ħareġ warajh.

4U rajt il-muntun jagħti bi qrunu lejn il-Punent, lejn it-Tramuntana u lejn in-Nofsinhar; ebda bhima ma kellha l-ħila tiqaflu, ħadd ma ħelisha minnu; beda jagħmel li jogħġbu u jitkabbar.

5Jien qgħadt inħares sewwa, u ara, min-naħa tal-Punent ġie bodbod, għaddej miexi fuq wiċċ l-art kollha bla ma jmiss l-art. Dan il-bodbod kellu qarn daqsiex bejn għajnejh.

6Resaq lejn il-muntun ta’ żewġt iqrun li rajt wieqaf quddiem ix-xmara, u ħebb għalih b’saħna u saħħa kbira.

7Rajtu jinxteħet bil-qilla għal fuq il-muntun, u ħebb għalih, u kissirlu ż-żewġt iqrun, u l-muntun ma kellux il-ħila jiqaflu; xeħtu u għaffġu mal-art, u ħadd ma’ sata’ jeħles lill-muntun minn taħt idejh.

8U l-bodbod tkabbar ħafna, u meta ssaħħaħ il-qarn il-kbir inkisirlu u minfloku telgħulu erbgħa oħra daqsiex, imdawra lejn l-erbat irjieħ tas-sema.

9Imbagħad minn wieħed minnhom nibet qarn ieħor żgħir, li kiber b’mod tal-għaġeb lejn in-Nofsinhar, lejn il-Lvant u lejn l-art sabiħa;, u lil xi wħud minn dawn il-qtajja’ u mill-kwiekeb waddabhom ’l isfel lejn l-art, u għattanhom b’saqajh. tal-qtajja’, neħħa s-sagrifiċċju tal-ħruq li kienu joffrulu kuljum, u żeblaħ il-post imqaddes tiegħu.

12Huwa waqqa’ fl-għajb is-sagrifiċċju tal-ħruq u floku qiegħed id-dnub, u xeħet mal-art il-verità u baqa’ sejjer jagħmel hekk.

13Imbagħad smajt wieħed mill-qaddisin jitkellem; u qaddis ieħor qal lil dak il-wieħed li kien tkellem: “Kemm se ddum din id-dehra dwar is-sagrifiċċju tal-ħruq ta’ kuljum u d-dnub tal-ħerba tal-post imqaddes mogħti għaż-żebliħ u t-tkasbir?”, fehemhielu d-dehra lil dan.”.”

27Jien, Danjel, ħassni ħażin u bqajt marid għal xi żmien; imbagħad qomt, mort naqdi dmiri għas-sultan. Id-dehra li kelli nixxfitni, u ma sibtx min ifehemhieli.