1 SAMWEL 14 - Maltese Bible with DC

Kapitlu 14

1Jum minnhom Ġonatan bin Sawl qal lill-iskudier żagħżugħ tiegħu: “Ejja naqsmu għal kontra l-għassa tal-Filistin li qegħdin in-naħa l-oħra”; u ’l missieru ma qallux.

4U bejn il-mogħdijiet, li kien qiegħed ifittex Ġonatan li jgħaddi minnhom lejn l-għassa tal-Filistin, kien hemm blata wieqfa fuq naħa, u blata oħra wieqfa fuq in-naħa l-oħra; u blata minnhom kien jisimha Buses, u isem l-oħra kien Seni.

5Il-blata l-waħda kienet in-naħa tat-Tramuntana biswit Mikmas, u l-blata l-oħra n-naħa tan-Nofsinhar biswit Gibgħa.

6Ġonatan qal lill-iskudier żagħżugħ tiegħu: “Ejja naqsmu għal ħdejn l-għassa ta’ dawn in-nies bla ħtin. Għandu mnejn il-Mulej jagħmel xi ħaġa għalina, għax m’hemmx xi jżomm il-Mulej, jekk irid, li jsalvana b’ħafna jew bi ftit nies.”It-tħarbit tal-Filistin

16U l-għassiesa ta’ Sawl li kienu f’Gibgħa ta’ Benjamin raw dik il-kotra mxerrda sejra ’l hemm u ’l hawn.

17U Sawl qal lin-nies li kellu miegħu: “Għoddu n-nies u araw min naqas minn magħna.” U raw li kienu nieqsa Ġonatan u l-iskudier tiegħu.

18U Sawl qal lil Aħija: “Ġib l-efod” (għax dakinhar l-efod kien f’nofs ulied Iżrael).;

24u dakinhar l-Iżraelin infnew u Sawl ġagħal lill-poplu jaħlef u qallu: “Misħut il-bniedem li jiekol xi ikel qabel ma jidlam u nitħallas mill-għedewwa tiegħi.” U ħadd ma kiel xejn.

25U kien hemm ħafna għasel fir-raba’.

26Meta l-poplu wasal fil-foresta ra l-għasel iqattar, imma ħadd minnhom ma ressaq idu lejn ħalqu, għax il-poplu baża’ mill-ħalfa.

27Ġonatan ma kienx sama’ bil-ħalfa li missieru ġagħal lill-poplu jagħmel, u medd it-tarf tal-ħatar li kellu f’idu, u deffsu f’xehda għasel, u ressaq idu lejn ħalqu, u għajnejh ħadu d-dawl.

28U wieħed mill-poplu kellmu u qallu: “Missierek ġagħal lill-poplu jaħlef u qallu: ‘Misħut il-bniedem li jiekol xi ħaġa llum.’ ” Issa l-poplu kien mifni.

29U Ġonatan qal: “Missieri għamel il-ħsara lill-pajjiż. Araw kif ħadu d-dawl għajnejja, għax doqt dan id-daqsxejn għasel.

30Kemm aktar kieku l-poplu kiel mill-priża li sab tal-għedewwa llum! Kemm kienet tkun akbar il-qerda tal-Filistin!”

31Dakinhar huma kissru l-Filistin minn Mikmas sa Ajjalon, imma l-poplu għeja għall-aħħar. biex ma tidinbux kontra l-Mulej.’ ” U l-poplu ressaqlu kull wieħed kulma ġie f’idejh dak il-lejl, u qatluhom hemm.

35U Sawl bena artal lill-Mulej; l-ewwel artal li bena lill-Mulej.

36U Sawl qal: “Ħalli ninżlu għal wara l-Filistin mal-lejl, u naħtfu priża kemm nifilħu sa ma jisbaħ għada, u ma nħallux bniedem wieħed ħaj minnhom.” U weġbuh: “Kulma jogħġbok nagħmluh!” Imma l-qassis qallu: “Ħa nersqu quddiem Alla.”

37U Sawl staqsa lil Alla: “Ninżel jien għal wara l-Filistin? Titlaqhom int f’idejn l-Iżraelin?” U dakinhar Alla ma weġbux..” U ntgħażlu Ġonatan u Sawl; u l-poplu ħareġ ħieles.

49Ulied Sawl kienu: Ġonatan, Ġiswi, u Malkisugħa u żewġt ibniet li kien jisimhom: il-kbira, Merab, u ż-żgħira, Mikal.

52Qalila kienet il-gwerra kontra l-Filistin iż-żmien kollu tas-saltna ta’ Sawl; kull raġel qalbieni u kull raġel b’saħħtu li kien jara, Sawl kien iqabbdu miegħu.