1Dak li jgħix għal dejjem ħalaq kollu kemm huwa l-univers.
2aIl-Mulej biss hu magħdud b’ġust,
2b u m’hemm ħadd ieħor ħliefu.
3 Irieġi d-dinja fil-keffa ta’ idu,
u kollox joqgħod għar-rieda tiegħu,
għax hu s-sultan ta’ kollox,
u bil-qawwa tiegħu jifred fosthom,
is-sagru mill-profan.
4Ma ta lil ħadd ifisser dak li għamel;
u min se jifhem l-għemejjel kbar tiegħu?
5Il-qawwa kbira tiegħu min jista’ jqisha?
U min se jirrakkonta ħnientu?
6M’hemmx x’wieħed inaqqas u lanqas xi jżid,
u m’hemmx min jifhem għeġubijiet il-Mulej.
7Xħin bniedem jasal fit-tmiem, ikun għadu fil-bidu;
u meta jieqaf, jibqa’ mifxul.Ix-xejn tal-bniedem
8X’inhu l-bniedem u x’inhi l-ħtieġa tiegħu?
X’inhu t-tajjeb u x’inhu l-ħażin tiegħu?
9Għadd jiem il-bniedem hu kbir jekk ikun ta’ mitt sena.
10Bħal qatra ilma mill-baħar u traba mir-ramel,
hekk huma ftit snin ħdejn il-jum ta’ dejjem.
11Għalhekk jistabar bihom il-Mulej,
u jsawwab fuqhom ħnientu.
12Jara u jagħraf li se jispiċċaw ħażin,
u għalhekk ikattar il-maħfra tiegħu.
13Il-ħniena tal-bniedem hi ma’ ġaru,
imma l-ħniena tal-Mulej hi ma’ kull min hu ħaj;
iċanfar, iħarreġ, u jgħallem,
u jreġġagħhom lura bħal ragħaj il-merħla tiegħu.
14Tiġih ħasra minn dawk li jilqgħu twiddibu,
u minn dawk li jfittxu l-ġudizzji tiegħu.
Kif wieħed għandu jagħti15Ibni, iċċanfarx inti u tagħmel il-ġid,
u meta tagħti tweġġax b’ilsienek.
16Mhux in-nida ttaffi l-għomma?
Hekk il-kelma hi aqwa mill-għotja.
17Il-kelma mhijiex aħjar minn għotja tajba?
Imma t-tnejn issibhom għand bniedem qalbu tajba.
18L-iblah hu qalbu ħażina u jmaqdar,
u l-għotja ta’ min jagħtik kontra qalbu tweġġagħlek għajnejk.
Irrifletti u aħseb minn qabel19Tgħallem qabel titkellem,
u ħu ħsieb saħħtek qabel timrad.
20Qabel il-ħaqq stħarreġ sewwa lilek innifsek,
u fis-siegħa taż-żjara ssib il-maħfra.
21Qabel timrad ċekken lilek innifsek,
u meta tonqos uri li jisgħob bik.
22Tintrabatx hekk li ma tkunx tista’ żżomm wegħda f’waqtha,
u tistenniex il-mewt biex teħles minnha.
23Qabel tagħmel wegħda ħejji ruħek,
u tkunx bħal bniedem li jġarrab il-Mulej.
24Ftakar fil-qilla tal-aħħar jum;
u fi żmien il-ħlas, meta Alla jdawwar wiċċu.
25Ftakar fi żmien il-ġuħ meta għandek biex tixba’,
u fil-faqar u n-nuqqas f’jiem il-ġid.
26Iż-żmien għaddej minn filgħodu sa filgħaxija,
u kollox jgħaddi malajr quddiem il-Mulej.
27Bniedem għaqli joqgħod b’seba’ għajnejn f’kollox,
u f’jiem id-dnub jieħu ħsieb li ma jiżbaljax.
28Min għandu s-sens jagħraf l-għerf,
u jrodd tifħir lil min isibu.
29Dawk li jifhmu l-qwiel, huma wkoll isiru għorrief,
u jkunu għajn ta’ proverbji għaqlija.
It-trażżin30Tħallix xewqatek jiġbduk warajhom,
u rażżanhom il-ġibdiet tiegħek.
31Jekk tintelaq għal kulma tixtieq qalbek,
jiddieħku bik l-għedewwa tiegħek.
32Tixxalax f’ħafna lussu,
li ma tiftaqarx bl-ispejjeż tiegħu.
33Tiddejjinx u tiftaqarx biex tixxala,
meta ma għandek xejn fil-ħorġa.
Who We AreWhat We EelieveWhat We Do
2025 by iamachristian.org,Inc All rights reserved.
