1Is-sultan Nabukodonosor għamel statwa tad-deheb, li l-għoli tagħha kien ta’ sittin driegħ u l-wisa’ tagħha sitta, u waqqafha fil-wita ta’ Dura fil-provinċja ta’ Babilonja.
2U s-sultan Nabukodonosor bagħat jiġma’ s-satrapi, il-prefetti, il-gvernaturi, il-kunsillieri, it-teżorieri, l-imħallfin, l-avukati, u s-setgħat kollha tal-provinċja biex jiġu għad-dedikazzjoni tal-istatwa li waqqaf is-sultan Nabukodonosor, u qagħdu quddiem l-istatwa li kien waqqaf Nabukodonosor.
3Imbagħad is-satrapi, il-prefetti, il-gvernaturi, il-kunsillieri, it-teżorieri, l-imħallfin, l-avukati, u s-setgħat kollha tal-provinċja nġabru għad-dedikazzjoni tal-istatwa li waqqaf Nabukodonosor; u qagħdu quddiem l-istatwa li kien waqqaf Nabukodonosor.
4U wieħed ħabbar beda jaqra b’leħen għoli: “Popli, ġnus u ilsna, għalikom huma dawn l-ordnijiet:.
25Imbagħad Għażarija waqaf f’nofs in-nar, fetaħ fommu u talab u qal:
26“Imbierek int, Mulej,
Alla ta’ missirijietna,
ta’ min ifaħħrek ħafna,
u ismek hu msebbaħ għal dejjem.
27Għax int ġust f’dak kollu li għamiltilna: kulma għamilt hu sewwa, triqatek kollha dritti, u l-ġudizzji tiegħek huma s-sewwa.
28Int għamilt ħaqq ġust f’dak kollu li ġibtilna fuqna,
u fuq Ġerusalemm, il-belt qaddisa ta’ missirijietna,
għax dan kollu ġibtu fuqna fis-sewwa u l-ħaqq,
minħabba fi dnubietna.
29Għax dnibna u għamilna ħażin meta tlaqna lilek;
dnibna wisq ma smajniex mil-liġi u l-kmandamenti tiegħek,
30ma ħarisnihomx u ma żammejnihomx kif ordnajtilna għall-ġid tagħna.
31B’hekk int kulma ġibt fuqna u għamiltilna,
għamiltu b’ħaqq fis-sewwa.
32Int tlaqtna f’idejn l-għedewwa tagħna,
nies bla liġi u ħżiena mill-agħar,
u f’idejn sultan bla ħaqq, l-agħar wieħed fuq l-art.
33U llum ma nissugrawx niftħu fommna;
il-mistħija u l-għajb waqgħu fuq dawk li jaqdu u jqimu lilek.
34Minħabba f’ismek, la titlaqniex għalkollox,
la tħassarx il-patt tiegħek;
35la twarrabx ħnientek minn fuqna,
minħabba f’Abraham, il-maħbub tiegħek,
minħabba f’Iżakk, il-qaddej tiegħek,
u minħabba f’Iżrael, il-qaddis tiegħek.
36Lilhom int kont wegħedt nisel bla għadd,
daqs il-kwiekeb tas-sema u r-ramel ta’ xatt il-baħar.
37Għax aħna, Mulej, sirna l-iżgħar fost il-ġnus,
u minħabba fi dnubietna
illum aħna ċċekkinna fid-dinja kollha.
38U bħalissa la hemm iżjed prinċep,
la profeta u lanqas mexxej;
la hemm offerta tal-ħruq u lanqas sagrifiċċju,
la offerta u lanqas inċens,
u lanqas baqa’ mkien fejn noffrulek l-ewwel frott tagħna,
jew fejn nitolbuk ħniena.
39Madankollu, b’qalbna niedma u ruħna mċekkna,
jalla nkunu ningħoġbu quddiemek,
qisna b’sagrifiċċji tal-ħruq ta’ nagħaġ u barrin,
qisna b’eluf ta’ ħrief imsemmna;
40ħa jkun hekk illum is-sagrifiċċju tagħna quddiemek,
u jalla nimxu għalkollox warajk,
għax xejn ma jitħawdu dawk li jittamaw fik.
41U issa b’qalbna kollha nimxu warajk,
nibżgħu minnek u nfittxu lilek.
42Twaqqgħalniex wiċċna fl-art,
iżda ġib ruħek magħna skont il-ħlewwa u l-kobor ta’ ħnientek.
43Eħlisna skont l-għemejjel tiegħek tal-għaġeb,
u sebbaħ, Mulej, lil ismek.
Ħa jitħawdu dawk kollha li jagħmlu d-deni lill-qaddejja tiegħek;
44ħa jaqgħu fl-għajb,
ħa titneħħielhom setgħethom kollha u titkissrilhom il-qawwa tagħhom,
45ħa jkunu jafu li int waħdek Alla,
imsebbaħ fuq kollha kemm hi l-art.
46Il-qaddejja tas-sultan li xeħtuhom fin-nar baqgħu jkebbsuh dejjem iżjed u jitfgħu fih nafta, żift, stoppa u zkuk,
47hekk li l-ilsna tan-nar għollew mill-forn sa disgħa u erbgħin driegħ,
48u n-nar infirex u ħaraq lil dawk il-Kaldin li kienu jinsabu madwar il-forn.
49Imma l-anġlu tal-Mulej niżel fil-forn maġenb Għażarija u sħabu; huwa warrab l-ilsna tan-nar mill-forn
53Imbierek int fit-tempju tas-sebħ imqaddes tiegħek,
ta’ min jgħollik u jsebbħek fuq kollox għal dejjem.
55Imbierek int li qiegħed fuq il-kerubini, li ħarstek tinfed l-abbissi,
ta’ min ifaħħrek u jsebbħek fuq kollox għal dejjem.
54Imbierek int fuq it-tron ta’ saltnatek,
ta’ min ifaħħrek u jsebbħek fuq kollox għal dejjem.
56Imbierek int fil-wisa’ kollu tas-sema,
ta’ min jgħollik u jsebbħek fuq kollox għal dejjem.
57Bierku, għemejjel kollha tal-Mulej, il-Mulej,
faħħruh u għolluh fuq kollox għal dejjem.
58Bierku, anġli tal-Mulej, il-Mulej,
faħħruh u għolluh fuq kollox għal dejjem.
59Bierku, smewwiet, il-Mulej,
faħħruh u għolluh fuq kollox għal dejjem.
60Bierku, ilmijiet kollha ta’ fuq is-sema, il-Mulej,
faħħruh u għolluh fuq kollox għal dejjem.
61Bierku, setgħat kollha, il-Mulej,
faħħruh u għolluh fuq kollox għal dejjem.
62Bierku, xemx u qamar, il-Mulej,
faħħruh u għolluh fuq kollox għal dejjem.
63Bierku, kwiekeb tas-sema, il-Mulej,
faħħruh u għolluh fuq kollox għal dejjem.
64Bierku, xita u nida kollha, il-Mulej,
faħħruh u għolluh fuq kollox għal dejjem.
65Bierku, irjieħ kollha, il-Mulej,
faħħruh u għolluh fuq kollox għal dejjem.
66Bierek, nar u sħana, il-Mulej,
faħħruh u għolluh fuq kollox għal dejjem.
67Bierek, bard u ksieħ, il-Mulej,
faħħruh u għolluh fuq kollox għal dejjem.
68Bierku, nida u borra, il-Mulej,
faħħruh u għolluh fuq kollox għal dejjem.
69Bierku, silġ u bard, il-Mulej,
faħħruh u għolluh fuq kollox għal dejjem.
70Bierku, ġlata u silġ, il-Mulej,
faħħruh u għolluh fuq kollox għal dejjem.
71Bierku, iljieli u ġranet, il-Mulej,
faħħruh u għolluh fuq kollox għal dejjem.
72Bierku, dawl u dlam, il-Mulej,
faħħruh u għolluh fuq kollox għal dejjem.
73Bierku, beraq u sħab, il-Mulej,
faħħruh u għolluh fuq kollox għal dejjem.
74Ħa tbierek l-art il-Mulej,
ħa tfaħħru u tgħollih fuq kollox għal dejjem.
75Bierku, muntanji u għoljiet, il-Mulej,
faħħruh u għolluh fuq kollox għal dejjem.
76Bierku, kulma jinbet fl-art, il-Mulej,
faħħruh u għolluh fuq kollox għal dejjem.
77Bierku, għejun, il-Mulej,
faħħruh u għolluh fuq kollox għal dejjem.
78Bierku, ibħra u xmajjar, il-Mulej,
faħħruh u għolluh fuq kollox għal dejjem.
79Bierku, ħut kbir u kulma jżiġġ fl-ilma, il-Mulej,
faħħruh u għolluh fuq kollox għal dejjem.
80Bierku, tjur kollha tal-ajru, il-Mulej,
faħħruh u għolluh fuq kollox għal dejjem.
81Bierku, bhejjem selvaġġi u mansi kollha, il-Mulej,
faħħruh u għolluh fuq kollox għal dejjem.
82Bierku, ulied il-bnedmin, il-Mulej,
faħħruh u għolluh fuq kollox għal dejjem.
83Bierek, Iżrael, il-Mulej,
faħħruh u għolluh fuq kollox għal dejjem.
84Bierku, qassisin tal-Mulej, il-Mulej,
faħħruh u għolluh fuq kollox għal dejjem.
85Bierku, qaddejja tal-Mulej, il-Mulej,
faħħruh u għolluh fuq kollox għal dejjem.
86Bierku, spirti u rwieħ tal-ġusti, il-Mulej,
faħħruh u għolluh fuq kollox għal dejjem.
87Bierku, qaddisin u intom ta’ qalbkom umli, il-Mulej,
faħħruh u għolluh fuq kollox għal dejjem.
88Bierku, Ħananija, Għażarija u Misael, il-Mulej,
faħħruh u għolluh fuq kollox għal dejjem.
Għax hu salvana minn Art l-Imwiet,
ħelisna minn id il-mewt,
salvana minn ġo nofs il-forn ta’ nar iħeġġeġ,
ħelisna minn qalb l-ilsna tan-nar.
89Roddu ħajr lill-Mulej, għax hu tajjeb,
għax it-tjieba tiegħu għal dejjem.
90Bierku ’l Alla tal-allat, intom ilkoll li tqimu l-Mulej,
faħħruh u roddulu ħajr,
għax it-tjieba tiegħu għal dejjem.
Is-sultan jagħraf l-għaġeb li sar91 91(24) Imbagħad is-sultan Nabukodonosor stagħġeb u qam minnufih, u qabad u qal lill-kunsillieri tiegħu: “Mhux tlieta kienu l-irġiel li xħetna marbutin fil-forn tan-nar?” Wieġbu lis-sultan u qalulu: “U żgur, sultan!”
92 92(25) Iżda hu raġa’ u qal: “Din x’biċċa hi! Jiena qiegħed nara erbat irġiel, maħlulin u mexjin fil-forn tan-nar, u r-raba’ wieħed qisu xi wild l-allat!”
93 93(26) Imbagħad Nabukodonosor resaq lejn il-bieb tal-forn tan-nar iħeġġeġ, u qabad u qal: “Sidrak, Mesak u Għabednegu, qaddejja ta’ Alla l-Għoli, oħorġu u ejjew hawn!” Imbagħad Sidrak, Mesak u Għabednegu ħarġu minn ġo nofs in-nar.
94 94(27) Imbagħad is-satrapi, il-prefetti, il-gvernaturi, u l-kunsillieri tas-sultan inġabru biex jaraw lil dawk l-irġiel li n-nar ma kellu ebda setgħa fuq ġisimhom, u li xagħar rashom ma nħaraqx, l-imnatar tagħhom ma ntmessux, u li ebda riħa ta’ ħruq ma kienet tinxtamm fuqhom.
95 95(28) Nabukodonosor qabad u qal: “Imbierek Alla ta’ Sidrak, Mesak u Għabednegu, li bagħat l-anġlu tiegħu u ħeles lill-qaddejja tiegħu li ttamaw fih u kisru l-ordni tas-sultan, u taw ħajjithom biex ma jaqdux u ma jqimux alla ieħor ħlief lil Alla tagħhom.
96 96(29) Mela nagħti dan id-digriet: kull poplu, ġens u lsien li jonqsu bi kliemhom kontra Alla ta’ Sidrak, Mesak u Għabednegu, isiru bċejjeċ, u djarhom isiru ħerba ladarba ma hemmx alla ieħor li għandu ħila jagħti ħelsien bħal dan.”.
100 100(33) Kemm huma kbar is-sinjali tiegħu,
u kemm huma qawwija għeġubijietu!
Saltnatu saltna ta’ dejjem,
u ħakmietu minn nisel għal nisel!
Who We AreWhat We EelieveWhat We Do
2025 by iamachristian.org,Inc All rights reserved.
