1Għalhekk dawn bagħtu messaġġiera biex jitolbu l-paċi u jgħidulu:
2“Arana, aħna l-ilsiera tas-Sultan il-Kbir Nabukodonosor, hawn mixħutin quddiemek, agħmel minna kif jogħġob lilek.
3Ara, l-għamajjar tagħna, l-art tagħna, ir-raba’ bil-qamħ u l-imrieħel, il-baqar, l-imqawel kollha bl-għerejjex kollha tagħhom f’idejk, agħmel bihom li trid.
4Ara, u l-ibliet ukoll u n-nies tagħhom li joqogħdu fihom, kollha lsiera tiegħek, ejja u agħmel minnhom li jogħġbok.”
5Kif waslu dawn il-messaġġiera għand Oloferne, ħabbrulu dan kollu.
6Imbagħad niżel lejn ix-xatt, hu u l-eżerċtu tiegħu, u qiegħed gwarniġjun ta’ suldati fl-ibliet iffortifikati tagħhom, u minnhom ħa miegħu għall-ġlied irġiel magħżula.
7U huma u l-ġirien tagħhom laqgħuh bil-kuruni, żfin u timpani.
8U hu ħatt it-tempji u ħasad l-imsaġar imqaddsa kollha tagħhom, għax hu kellu l-ordni li jeqred l-allat kollha ta’ dawn l-artijiet tagħhom biex il-ġnus kollha jaduraw lil Nabukodonosor waħdu, u l-ilsna u r-razez kollha jsejħulu alla.L-invażjoni ta’ art Iżrael
9Minn hemm mar sa Esdrelon, qrib Dotajn, li tinsab biswit is-sinsla tal-għoljiet tal-Lhudija;
10hawn waqqaf il-kamp bejn Geba u Xitopoli, u għadda xahar sħiħ biex jiġbor il-provvisti.
Who We AreWhat We EelieveWhat We Do
2025 by iamachristian.org,Inc All rights reserved.
