1Il-kliem ta’ Ġeremija bin Ħilkija, mill-qassisin li kienu f’Għanatot, fl-art ta’ Benjamin., fil-ħames xahar.Is-sejħa ta’ Ġeremija
4U ġietni l-kelma tal-Mulej u qalli:
5“Qabel ma sawwartek fil-ġuf, għaraftek;
qabel ma ħriġt minn ħdan ommok, ikkonsagrajtek.
Jien qegħedtek profeta fuq il-ġnus.”
6Jien weġibt:
“Ah, Sidi Mulej, ma nafx nitkellem, għadni żgħir.”
7U l-Mulej weġibni: “Tgħidx, ‘Għadni żgħir’.
Inti tmur kull fejn nibagħtek,
u tgħid kulma nordnalek.
8La tibżax minnhom, għax jien miegħek biex neħilsek,”
oraklu tal-Mulej.
9U l-Mulej ħareġ idu u messli fommi, u qalli l-Mulej: “Ara, qegħedtlek kliemi fuq fommok.
11U ġietni l-kelma tal-Mulej u qalli: “X’inti tara, Ġeremija!” Jien weġibt: “Qiegħed nara fergħa ta’ lewża.”
12U l-Mulej weġibni: “Sewwa rajt, għax jien inħabrek biex kelmti sseħħ.”
13U reġgħet ġietni l-kelma tal-Mulej u qalli: “X’inti tara?” U jien weġibt: “Qiegħed nara borma tagħli, u d-dehra tagħha min-naħa tat-Tramuntana.”
16Jien se nagħmel ħaqq kontrihom
għall-ħażen kollu tagħhom, għaliex huma telquni
u ħarqu l-inċens lil allat oħra,
u taw qima lil għemil idejhom.
17U int ħażżem ġenbejk,
qum u għidilhom kulma nordnalek.
La tibżax
minnhom, għax inkella nbeżżgħek jien quddiemhom.
18Arani llum se nagħmel minnek belt fortizza,
kolonna tal-ħadid, ħajt tal-bronż,
kontra l-pajjiż kollu,
kontra s-slaten ta’ Ġuda, u l-prinċpijiet tiegħu,
kontra l-qassisin tiegħu u l-poplu tal-pajjiż.
19Huma jeħduha kontrik, imma ma jagħmlulek xejn,
għax jien inkun miegħek, oraklu tal-Mulej,
biex neħilsek minnhom.”
Who We AreWhat We EelieveWhat We Do
2025 by iamachristian.org,Inc All rights reserved.
