1Samwel ħa l-kus taż-żejt f’idejh u sawwabhulu fuq rasu, u mbagħad biesu u qallu: “Mhuwiex il-Mulej li dilkek u għamlek prinċep fuq Iżrael, il-poplu tiegħu? Tkun int li tmexxi l-poplu tal-Mulej u teħilsu minn idejn l-għedewwa tiegħu, li għandu madwaru. U dan ikunlek is-sinjal li kien il-Mulej li dilkek u għamlek prinċep fuq il-wirt tiegħu: f’Betel: wieħed iġorr tliet gidjien u wieħed iġorr tliet ħobżiet, u l-ieħor żaqq inbid,
4huma jsellmulek jagħtuk żewġ ħobżiet, u int teħodhom minn idejhom.
5Imbagħad tasal sa Gibgħat-eloħim fejn hemm l-għases tal-Filistin, u kif tasal hemm fi dħul il-belt, tiltaqa’ ma’ qatgħa profeti niżlin mill-għolja, b’arpa u tanbur, flawt u ċetra quddiemhom, u jintilfu f’estasi ta’ profeti.
9U ġara li malli dawwar spallejh biex jitlaq minn ħdejn Samwel, Alla biddillu qalbu f’oħra, u seħħew dawn is-sinjali kollha dakinhar stess.
10Kif wasal minn hemm fuq l-għolja ltaqa’ ma’ qatgħa profeti, u niżel fuqu u ħatfu l-ispirtu ta’ Alla, u ntilef f’estasi ta’ profeta f’nofshom.
21U ressaq it-tribù ta’ Benjamin skont il-familji tiegħu u telgħet bix-xorti l-familja ta’ Matri; u mbagħad tala’ bix-xorti Sawl bin Kis, u fittxewh u ma sabuhx.
22U reġgħu staqsew lill-Mulej: “Ġie hawn ir-raġel?” U l-Mulej wieġeb: “Hawn hu moħbi qalb il-provvisti!”
23Marru jiġru, u ħaduh minn hemm u qegħduh f’nofs il-poplu, u kien jgħaddi lil kulħadd minn spallejh ’il fuq.
24U Samwel imbagħad fisser lill-poplu kollu: “Rajtu lil min ħatar il-Mulej? M’hawnx ieħor bħalu fil-poplu kollu.” U l-poplu għolla leħnu, għajjat għajta kbira, u qal “Viva s-sultan!”
25Samwel imbagħad fisser lill-poplu d-dritt tas-sultan u kitbu fi ktieb u qiegħdu quddiem il-Mulej, u Samwel bagħat il-poplu kollu, kulħadd lejn daru.
Who We AreWhat We EelieveWhat We Do
2025 by iamachristian.org,Inc All rights reserved.
