SALMI 113 - Maltese Bible with DC

Salm 113Alla l-Għoli jħares lejn iż-żgħar

1Hallelujah!

Faħħru, qaddejja tal-Mulej,

faħħru isem il-Mulej.

2Ikun isem il-Mulej imbierek,

minn issa u għal dejjem!

3Minn tlugħ ix-xemx sa nżulha

ikun imfaħħar isem il-Mulej!

4Għoli fuq il-ġnus kollha l-Mulej,

ogħla mis-smewwiet hu sebħu.

5Min hu bħall-Mulej, Alla tagħna,

li qiegħed fl-għoli?

6Hu li jħares ’l isfel,

lejn is-smewwiet u lejn l-art.

7Hu li jqajjem mit-trab l-imsejken,

u jerfa’ mill-miżbla l-fqajjar,

8biex mal-kbarat iqiegħdu,

mal-kbarat tal-poplu tiegħu.

9Il-mara bla wlied iqegħedha f’darha,

jagħmilha omm ferħana b’uliedha.

Hallelujah!