ŻAKKARIJA 2 - Maltese Bible with DC

Kapitlu 2It-tieni dehra: il-qrun u l-ħaddieda

1Imbagħad erfajt għajnejja u ħarist, u ara, kien hemm erbat iqrun.

2U jiena għedt lill-anġlu li kien kellimni: “Dawn x’inhuma?” U hu weġibni: “Dawn huma l-qrun li xerrdu lil Ġuda, lil Iżrael u ’l Ġerusalemm”..

4“Dawn x’ġejjin jagħmlu?” għedt jien. U hu wieġeb u qal: “Dawn huma l-qrun li xerrdu ’l Ġuda, hekk li ħadd ma rafa’ rasu; u dawn ġew biex ibeżżgħuhom, ħalli jkeċċu l-qrun tal-ġnus li refgħu qrunhom għall-art ta’ Ġuda biex ixerrduha.”It-tielet dehra: il-kejjiel

5Imbagħad erfajt għajnejja u ħarist, u ara kien hemm raġel li f’idu kellu ħabel biex iqis.Żewġ sejħat lill-itturufnati

10Isaw! Isaw!

Aħirbu mill-art tat-Tramuntana,

oraklu tal-Mulej,

għax jien ferrixtkom

mal-erbat irjieħ tas-sema,

oraklu tal-Mulej.

11Isa, Sijon, aħrab,

int li tgħammar f’Babilonja!

12Għax hekk qal il-Mulej tal-eżerċti,

wara li l-Glorja tiegħu bagħtitni

għand il-ġnus li ħatfulkom kollox;

għax min imiss lilkom

imiss il-mimmi ta’ għajnejh:

13“Ara, se nerfa’ idi fuqhom,

u jsiru priża tal-ilsiera tagħhom.”

U intom tagħrfu

li l-Mulej tal-eżerċti bagħatni.

14Għajjat bil-ferħ u infexx fl-hena,

bint Sijon,

għaliex arani ġej

biex ngħammar f’nofsok,

oraklu tal-Mulej,

15u kotra kbira ta’ ġnus

jingħaqdu dakinhar mal-Mulej;

u huma jkunu l-poplu tiegħi.

U jiena ngħammar f’nofsok;

imbagħad inti tagħraf

li l-Mulej tal-eżerċti bagħatni għandek.

16U l-Mulej jieħu ’l Ġuda

bħala sehmu mill-wirt fl-Art Imqaddsa,

u jerġa’ jaħtar lil Ġerusalemm!

17Żommu s-skiet quddiem il-Mulej,

intom il-ħajjin ilkoll,

għax stenbaħ mill-għamara mqaddsa tiegħu!