SALMI 13 - Maltese Bible with DC

Salm 13Talba fin-niket minħabba l-għadu

1Għall-mexxej tal-kor. Salm ta’ David.

2Mulej, għal dejjem se tinsieni?

Kemm se ddum taħbi wiċċek minni?

3Kemm se ndum b’qalbi ttaqtaq,

bl-imrar kuljum f’qalbi?

Kemm se jdum jintrefa’ l-għadu fuqi?

4Ħares u weġibni, Mulej, Alla tiegħi,

agħti d-dawl lil għajnejja,

li ma naqax fir-raqda tal-mewt;

5li ma jgħidx l-għadu tiegħi: “Għelibtu!”,

li ma jifirħux l-għedewwa għax jarawni nogħtor.

6Imma jien fit-tjieba tiegħek nitma,

tifraħ qalbi għall-għajnuna tiegħek.

Ngħanni lill-Mulej għall-ġid li għamilli.