ĠEREMIJA 15 - Maltese Bible with DC

Kapitlu 15It-tweġiba tal-Mulej

1Il-Mulej qalli: “Imqar jekk jiġu quddiemi Mosè u Samwel, mhijiex se ddur qalbi lejn dan il-poplu. Keċċihom minn quddiemi, ħa jitilqu ’l barra!

3“Jiena rfajtilhom erba’ kastigi, oraklu tal-Mulej, ix-xabla biex toqtolhom, il-klieb biex ikaxkruhom, it-tajr tal-ajru u l-bhejjem tal-art biex jikluhom u jeqirduhom.It-traġedja ta’ Ġerusalemm

5“Min se jħenn għalik Ġerusalemm?

Min se jsewwed qalbu għalik?

Min se jdur u jistaqsik kif inti,

x’minnek, intix fis-sliem?

6Int ċħadtni, oraklu tal-Mulej,

int inġbidt lura u tlaqt.

U jien erfajt idejja fuqek,

u ġibtek fix-xejn,

għax ma flaħtx iżjed inħenn għalik.

7Derrejthom bil-midra fi bwieb l-art,

neżżajthom mit-tfal, u qridt il-poplu tiegħi,

imma huma ma darux minn triqathom.

8Tkattru r-romol tagħhom aktar mir-ramel tal-baħar;

jien ġibt fuq omm iż-żagħżugħ,

il-qerried f’nofsinhar;

u niżżilt fuqhom għal għarrieda

diqa u tnehid.

9L-omm ta’ seba’ wlied infniet,

nifisha nqata’.

Ix-xemx tagħha niżlet,

meta kien għadu l-jum,

stħat u tħawdet.

U ’l min fadal minnhom nerħih għax-xabla

quddiem l-għedewwa tagħhom,”

oraklu tal-Mulej.L-ilmenti ta’ Ġeremija

10Imsejken jien, omm! Għaliex ulidtni

bniedem ġellied, li għandu xi jgħid mal-pajjiż kollu?

Jien la slift u lanqas issellift,

u madankollu kulħadd jisħetni’?

11Jgħid il-Mulej,

“Tassew, qdejtek tajjeb!

Tassew, ħbatt l-għedewwa għalik,

fi żmien il-hemm, fi żmien id-dwejjaq!

12Jista’ l-ħadid ifarrak il-ħadid u l-bronż tat-Tramuntana?

13Ġidek u t-teżori tiegħek nagħti bi priża,

mhux bi ħlas, għal dnubietek kollha fit-territorju kollu tiegħek.

14U nibagħtek fost l-għedewwa tiegħek

f’art li int ma tafx

għaliex xegħel in-nar tal-korla tiegħi

u fuqkom iħeġġeġ.

15Mulej, dan int tafu.

Ftakar fija u ejja żurni;

tħallas minn dawk li jiġru warajja.

Tħallinix ninqered minħabba sabrek.

Kun af li minħabba fik

qgħadt għat-tagħjir.

16Jien sibt kliemek, u kiltu;

u kelmtek saritli l-ferħ u l-hena ta’ qalbi;

għax ismek issejjaħ fuqi,

Mulej, Alla tal-eżerċti.

17Jien ma mortx fost iż-żufjettużi,

ma fraħtx magħhom;

jien qgħadt għalija waħdi quddiem qawwietek

għax inti mlejtni bil-korla.

18Għaliex għandi nibqa’ mnikket għal dejjem,

u l-marda kronika tiegħi ma tfiq qatt?

Se ssir int għalija

bħal nixxiegħa qarrieqa li tinxef?”

19Għalhekk dan jgħid il-Mulej:

“Jekk iddur lejja,

irreġġgħek lejja biex tieqaf quddiemi;

jekk tagħżel dak li jiswa minn dak li ma jiswiex,

int tkun bħal fommi.

Jerġgħu lura huma lejk,

u mhux int terġa’ lura lejhom.

20Nagħmlek sur qawwi tal-bronż

kontra dan il-poplu;

huma jaħbtu għalik,

iżda ma jkunux jifilħu għalik;

għax jiena miegħek,

biex neħilsek u nsalvak,

oraklu tal-Mulej.

21Neħilsek mill-qawwa tal-ħżiena,

u nifdik minn id it-tiranni.”