ĠOB 25 - Maltese Bible with DC

Kapitlu 25Tweġiba ta’ Bildad

1U Bildad minn Suħa wieġeb:

2“X’kobor ta’ setgħa għandu

u x’biża’ jnissel Alla

li jżomm l-ordni fl-ogħla smewwiet tiegħu!

3Min jista’ jgħoddhom l-eżerċti tiegħu?

U ’l min ma tilħaqx l-għassa tiegħu?

4Kif jista’ l-bniedem joħroġ ġust quddiem Alla?

Kif jista’ jkun safi l-imwieled minn mara?

5Anqas il-qamar ma jiddi għalih,

u f’għajnejh il-kwiekeb mhumiex safja;

6wisq inqas il-bniedem li hu ħanex,

bin il-bniedem, li mhux għajr dudu.