1Ta’ David.
Irroddlok ħajr, Mulej, b’qalbi kollha,
għaliex int smajt kliem fommi.
Quddiem l-allat irrid ngħannilek.
2B’wiċċi fl-art ninxteħet
quddiem is-santwarju tiegħek,
u rroddlok ħajr għat-tjieba u l-fedeltà tiegħek,
għax int kabbart ismek u kelmtek fuq kollox.
3Meta sejjaħtlek, int weġibtni,
kattarli l-qawwa f’ruħi.
4Iroddulek ħajr, Mulej, is-slaten kollha tal-art,
għaliex semgħu l-kliem ta’ fommok.
5U jgħannu l-imġiba tal-Mulej,
għax kbir hu sebħ il-Mulej.
6Kbir il-Mulej, imma jieħu ħsieb iż-żgħar;
u, għalkemm fl-għoli, jagħraf mill-bogħod.
7Jekk insib ruħi fl-għali,
inti tħarisli ħajti;
terfa’ idek kontra l-għedewwa tiegħi,
u l-leminija tiegħek issalvani mill-qilla tagħhom.
8Il-Mulej iżomm kelmtu miegħi.
It-tjieba tiegħek, Mulej, tibqa’ għal dejjem;
la titlaqx għemil idejk!
Who We AreWhat We EelieveWhat We Do
2025 by iamachristian.org,Inc All rights reserved.
