DEWTERONOMJU 2 - Maltese Bible with DC

Kapitlu 2Il-mixja fid-deżert

1“U dorna lura u tlaqna għad-deżert mat-triq tal-Baħar tal-Qasab, bħalma qalli l-Mulej, u bqajna niġġerrew mal-muntanja ta’ Xegħir għal ħafna żmien.

2“U l-Mulej kellimni u qalli:

3‘Ilkom tiġġerrew biżżejjed ma’ dawn il-muntanji, duru lejn it-Tramuntana.

4Agħti lill-poplu din l-ordni: Intom se taqsmu l-art ta’ ħutkom, ulied Għesaw, li jgħammru f’Xegħir. Huma jibżgħu minnkom, iżda intom oqogħdu attenti ħafna.

8“U għaddejna għalhekk ’il bogħod minn ħdejn ħutna, ulied Għesaw, li jgħammru f’Xegħir, mit-triq tal-Għaraba, minn Elat, u minn Għesjon-geber, u mbagħad ilwejna u qbadna t-triq li tieħu għad-deżert ta’ Mowab.

9“U l-Mulej qalli: ‘La taħbatx għal Mowab; la titqabadx u tiġġelidx magħhom; għax m’iniex se nagħtik b’wirt art minn tagħhom; l-art ta’ Għar tajtha b’wirt lil ulied Lot.’

14“Iż-żmien li ħadna biex imxejna minn Kades-barnigħa sa ma qsamna l-wied ta’ Żered kien ta’ tmienja u tletin sena, sakemm ma ntemmx minn nofs il-kamp in-nisel ta’ dawk in-nies gwerriera, bħalma kien ħalef il-Mulej., qerdu lil Għawwin, li kienu jgħammru fl-irħula sa Gaża, u daħlu flokhom.

24“ ‘Isaw, itilqu, aqsmu l-wied tal-Arnon. Ara, jien tajtek f’idek lil Siħon, is-sultan ta’ Ħesbon l-Amurri, bl-art tiegħu. Idħol fiha u agħmillu gwerra.

31“U l-Mulej qalli: ‘Arani, jien bdejt nerħi f’idejk lil Siħon u ’l artu. Idħol fiha biex tieħu artu f’idek.’

32U Siħon ħareġ għalina, hu u l-poplu tiegħu kollu, sa Ġaħas biex jitqabad magħna.

33“U l-Mulej, Alla tagħna, irħieh f’idejna, u qtilna lilu, ’l uliedu u l-poplu tiegħu kollu.