ESTER BIL-GRIEG Ċ - Maltese Bible with DC

It-talba ta’ Mordekaj

18[1] Mordekaj ftakar fl-għemejjel kollha tal-Mulej u talab u qal:

19[2] “Mulej! Mulej! Sultan li tista’ kollox, kollox fis-setgħa tiegħek, u ħadd ma hemm li jista’ jiqaflek jekk int trid issalva lil Iżrael.

20[3] “Int għamilt is-sema u l-art u l-ħwejjeġ kollha tal-għaġeb li hawn taħt is-sema;

22[5] “Int kollox taf, Mulej. Int taf li jekk ma nżiltx wiċċi fl-art quddiem Ħaman, il-kburi, dan ma għamiltux b’insolenza, b’suppervja, jew b’xewqa ta’ ġieħ;

33[16] “Sa minn ċkuniti, fi ħdan il-familja ta’ missirijieti, jien kont nisma’ li int, Mulej, għażilt lil Iżrael minn fost il-ġnus kollha, u ’l missirijietna minn fost l-antenati tagħhom biex ikunu l-wirt tiegħek għal dejjem, u għamilt magħhom skont ma wegħedthom.

34[17] “U aħna issa dnibna quddiemek, u int tlaqtna f’idejn l-għedewwa tagħna,

35[18] għax aħna tajna l-glorja lill-allat tagħhom. Int ġust, Mulej!

36[19] “Iżda huma issa mhumiex kuntenti bl-imrar tal-jasar tagħna, ftiehmu mal-allat tagħhom

37[20] li jħassru s-sentenza li int lissint b’fommok biex jeqirdu l-wirt tiegħek, u jagħlqu fomm dawk li jfaħħruk, jeqirdu l-ġmiel tat-tempju u l-artal tiegħek,

38[21] u jiftħu fomm il-ġnus biex ifaħħru l-frugħat tal-allat tagħhom, u jqimu għal dejjem sultan tad-demm u l-laħam.

39[22] “Titlaqx, Mulej, ix-xettru tiegħek f’idejn ix-xejn; tħallihomx jifirħu bil-qerda tagħna, imma dawwar il-fehma tagħhom kontra tagħhom stess, u agħmel eżempju minn dak li beda l-ewwel jeħodha kontra tagħna.

40[23] “Ftakar fina Mulej, uri ruħek fi żmien l-hemm tagħna u qawwili qalbi, Sultan fuq l-allat, u setgħan fuq kull setgħa.

45[28] “Il-qaddejja tiegħek qatt ma kielet mill-mejda ta’ Ħaman, u qatt ma stmajt il-pranzijiet tas-sultan, u qatt ma xrobt mill-inbid offrut lill-allat.

46[29] U minn mindu sibt ruħi hawn sal-lum, qatt ma ferħet il-qaddejja tiegħek ħlief bik, Mulej, Alla ta’ Abraham.

47[30] “Alla li għandek setgħa fuq kollox, isma’ l-għajta ta’ dawk li qatgħu jieshom, u eħlisna minn idejn il-ħżiena. Eħlisni mill-biża’ tiegħi.”