1Imbagħad il-fizzjali kollha tal-eżerċtu u Ġoħanan bin Kareħa, Ġeżanija bin Ħosajja u l-poplu kollu, miż-żgħir sal-kbir, resqu lejn
2Ġeremija l-profeta u qalulu: “Ilqa’ t-talba tagħna! Idħol għalina u għal dan il-fdal quddiem il-Mulej, Alla tiegħek, għax, kif tista’ tara b’għajnejk, ftit bqajna mill-kotra li konna.
3Jalla jurina l-Mulej, Alla tiegħek, it-triq li għandna naqbdu, u x’għandna nagħmlu.”
4U Ġeremija, il-profeta, qalilhom: “Smajtkom u hawn jien se nitlob lill-Mulej Alla tagħkom kif għedtuli u kulma jweġibkom il-Mulej ngħidulkom; ebda kelma ma naħbilkom.”
7Meta kienu għaddew għaxart ijiem ġiet il-kelma tal-Mulej lil Ġeremija.
8U dan sejjaħ lil Ġoħanan bin Kareħa, u l-fizzjali tal-eżerċtu li kienu miegħu, u l-poplu kollu, mill-kbir saż-żgħir,
9u qalilhom: “Dan jgħid il-Mulej, Alla ta’ Iżrael, li intom bgħattuni għandu biex nitolbu għalikom.
10Jekk intom tibqgħu tgħammru f’dan il-pajjiż, jien nibnikom mill-ġdid u ma nħottkomx; inħawwilkom u ma naqlagħkomx, għax jien indimt mill-ħsara li għamiltilkom.
19“Il-Mulej kellimkom, lilkom il-fdal ta’ Ġuda: ‘La tmorrux l-Eġittu. Intom tafu ben tajjeb li jien xhud kontrikom illum.
20Għax intom lgħabtu b’ħajjitkom meta intom bgħattuni għand il-Mulej Alla tagħkom u għedtuli: ‘Itlob lill-Mulej, Alla tagħna, għalina u kulma jgħid il-Mulej, Alla tagħna, ħabbarhulna u aħna nagħmluh.’
21Jien ħabbarthulkom illum, u ma smajtux minn kliem il-Mulej, Alla tagħkom, u minn dak kollu li bagħatni ngħidilkom.
Who We AreWhat We EelieveWhat We Do
2025 by iamachristian.org,Inc All rights reserved.
