EŻEKJEL 17 - Maltese Bible with DC

Kapitlu 17L-allegorija tad-dielja u l-ajkla

1U ġietni l-kelma tal-Mulej u qalli:

2“O bniedem, qabblilhom taqbila u fassal tixbiha għal ulied Iżrael.

3Għidilhom: Dan jgħid Sidi l-Mulej:

‘Kien hemm ajkla kbira, ġwenħajha kbar,

b’pinen twal, u rix imżewwaq, li ġiet il-Libanu

u ħadet fergħa mill-quċċata taċ-ċedru;

4ħasdet l-ogħla tarf tal-friegħi tagħha,

u ħaditu f’art il-Kangħanin

u ħallietu f’belt il-merkanti.

5Ħadet ukoll miż-żerriegħa ta’ dik l-art,

u żergħetha f’għalqa taż-żrigħ,

ħawlitha ħdejn gelgul ilma bħas-siġra taż-żafżaf.

6Nibtet u saret dielja mifruxa fl-art,

u frigħetha meddet lejha,

u għeruqha baqgħu hemm fejn kienet.

U saret dielja, ħarġet iż-żraġen,

u rmiet il-friegħi.

7Imma kien hemm ajkla oħra kbira,

ġwenħajha kbar u rixha folt.

Ara! Dik id-dielja dawret għeruqha lejha,

u mill-ħmiemel fejn kienet imħawla

meddet frigħetha lejha,

ħalli ssaqqiha.

8Ħadha u ħawwilha f’art għammiela,

ħdejn gliegel ta’ ilma xxettlet,

ħalli toħroġ il-friegħi u l-frott tagħmel,

biex hekk issir dielja sabiħa.’

9Għidilhom:

‘Dan jgħid Sidi l-Mulej:

Taħsbu li se tmur tajjeb?

Ma taqlagħhiex l-ajkla l-oħra minn għeruqha,

taqtgħalha frottha u tħalliha tinxef?

Jinxef ir-rimi kollu tal-friegħi tagħha.

Ma tkunx meħtieġa saħħa kbira,

jew kotra nies biex jaqilgħuha minn għeruqha.

10Araw! Jewwilla għax imxettla se tmur ’il quddiem?

Ma tinxifx għalkollox malli jmissha

r-riħ mil-Lvant?

Iva, fil-ħmiemel fejn ixxettlet, tinxef.”

It-tifsira ta’ allegorija

11U ġietni l-kelma tal-Mulej, u qalli:

12“Għid lil din ir-razza rasha iebsa: Ma tafux xi jfisser dan? Għidilhom: ‘Araw! Ġie s-sultan ta’ Babilonja Ġerusalemm, u qabad is-sultan tagħha u l-prinċpijiet tagħha u ħadhom miegħu Babilonja.

16“Daqs kemm jien ħaj, oraklu ta’ Sidi l-Mulej, talli żeblaħ il-ħalfa tiegħu u kiser il-patt li għamel miegħu, f’nofs il-Belt ta’ Babilonja jmut, f’art is-sultan li tellgħu fuq it-tron.

17Il-Fargħun mhux se jgħinu b’eżerċtu kbir jew b’ħafna nies meta jkun hemm il-ġlied, meta jtellgħu r-rampa u jibnu ħajt madwar għall-qerda ta’ ħafna nies.

18Hu żeblaħ il-ġurament, u kiser il-patt; newwel idu u mbagħad għamel dan kollu: żgur li ma jeħlishiex!

19“Għalhekk dan jgħid Sidi l-Mulej: ‘Daqs kemm jien ħaj, il-ġurament tiegħi li kasbar u l-patt tiegħi li kiser, nitħallas tagħhom minn fuq rasu.

20Nifrex fuqu x-xibka tiegħi, u jinqabad fl-ingassa tiegħi, u nkaxkru f’Babilonja, u hemmhekk nagħmel ħaqq minnu talli kiser kelmtu miegħi. l-għoli, minn tarf il-friegħi l-għolja, rimja żgħira, u nxettilha fuq il-muntanja għolja u kbira;

23fuq il-muntanja l-għolja ta’ Iżrael inxettilha.

U hi toħroġ il-friegħi,

u tagħmel il-frott,

u ssir siġra sabiħa taċ-ċedru.

U taħtha jistkenn kull tajr tal-ġwienaħ,

jistkennu għad-dell tal-friegħi tagħha.

24U jagħrfu s-siġar kollha tar-raba’

li jien il-Mulej,

li siġra għolja nċekkinha,

u siġra żgħira nkabbarha;

nnixxef is-siġra l-ħadra,

u n-niexfa bil-weraq inħaddarha.

Jien, il-Mulej,

tkellimt, u li għedt nagħmlu.”