L-GĦANJA TAL-GĦANJIET 1 - Maltese Bible with DC

Kapitlu 1Titlu u daħla

1L-Għanja tal-Għanjiet ta’ Salamun.

L-għarusa

2Ħa jiġi jbusni bil-bewsiet ta’ fommu.

Imħabbtek hija oħla mill-inbid;

3fwiħatek fihom għaxqa għar-riħa tagħhom,

ismek żejt li jitferragħ,

għalhekk iħobbuk, lilek, ix-xebbiet.

4Iġbidni wrajk, ejja niġru!

Lili s-sultan daħħalni ġewwa,

fil-kmamar tiegħu;

ejjew nifirħu, ej’ nithennew bik.

Bil-ferħ infakkru mħabbtek

wisq aktar mill-inbid.

Iva, għandhom raġun iħobbuk!

L-ewwel taqsima tal-Għanja,

bħat-tined ta’ Kedar,

bħall-purtieri ta’ Salma.

6Oh! La tqisux il-lewn samrani tiegħi:

dak għax ħarqitni x-xemx.

L-ulied ta’ ommi xegħlu wisq għalija,

ġew iqegħduni għassa fuq id-dwieli,

lili, li d-dielja tiegħi, li hi tiegħi,

għassa tagħha ma qgħadtx!

7Inti, li qalbi tħobbok, fittex għidli:

fejn tmur biex tirgħa l-merħla,

fejn, f’nofsinhar, teħodha biex tistrieħ?

Biex ma negħjiex niġġerra

wara l-merħliet ta’ sħabek!

Il-korL-għarus

9Lid-debba tiegħi f’karru tal-Fargħun marbuta

inxebbhek jiena, maħbuba tiegħi.

10Ħelwin huma ħaddejk bejn dawk l-imsielet,

għonqok bil-ġiżirani.

11Ħnienaq tad-deheb nagħmlulek,

u wkoll żibeġ tal-fidda.

Djalogu bejn l-għarajjes

12Waqt li s-sultan fuq id-divan kien qiegħed,

l-ispika tiegħi tat il-fwieħa tagħha.

13Il-maħbub tiegħi borża mirra għalija,

bejn ħobbejja mqiegħda.

14Il-maħbuba tiegħi għanqud ward tal-ħenna

fid-dwieli ta’ Għajn-geddi.

15Kemm int sabiħa, maħbuba tiegħi,

kemm int sabiħa!

Għajnejk qishom ħamiema.

16U int, kemm int sabiħ, maħbub tiegħi,

int ħelu tabilħaqq!

Tassew, sodditna l-ħdura.

17It-travi tad-dar tagħna huma taċ-ċedru,

bis-saqaf taċ-ċipress.