NUMRI 24 - Maltese Bible with DC

Kapitlu 24

1U Balgħam ra li l-Mulej kien jogħġbu jbierek lil Iżrael u ma fittixx iżjed bħal qabel is-sħarijiet, u dawwar wiċċu lejn id-deżert.

2U Balgħam rafa’ għajnejh u ra lil Iżrael, mifrux fil-kamp u mqassam tribù tribù. Imbagħad niżel l-ispirtu ta’ Alla fuqu

3u beda jitkellem u jgħid:

“Il-kelma ta’ Balgħam bin Begħor;

l-oraklu ta’ bniedem b’għajnejh miftuħa;

4L-oraklu ta’ wieħed jisma’ kliem Alla,

u jara dehret Alla li jista’ kollox,

u jaqa’ fl-art u għajnejh mikxufa.

5Kemm huma sbieħ l-għerejjex tiegħek, Ġakobb,

l-għamajjar tiegħek, Iżrael.

6Bħal widien jinfirxu,

bħal ġonna ma’ xatt xi xmara,

bħal siġar tas-sabbâra mħawla mill-Mulej,

bħal masġar tal-arżnu ħdejn l-ilma!

7L-ilma jfawwar mill-bramel tiegħu,

u nislu kotran bħall-ilmijiet.

Is-sultan tiegħu ogħla minn Agag,

u s-saltna tiegħu togħla ’l fuq.

9Jinżel u jimtedd bħal iljun,

bħal iljuna u ħadd ma jqajmu.

Imbierek min ibierkek;

Misħut min jisħtek!”

10Balak xegħel bil-korla għal Balgħam, u ħabbat idejh u qal lil Balgħam: “Sejjaħtlek biex tisħet l-għadu tiegħi, u int beriktu għal tliet darbiet.,

u jqum xettru minn Iżrael;

u jkisser ngħas Mowab,

u jeqred l-ulied kollha ta’ Set.

18Edom ikun wirtu;

Xegħir wirt l-għedewwa tiegħu;

Iżrael jagħmel l-għeġubijiet ta’ ħila.

19Jaħkem bniedem ġej minn Ġakobb,

u jeqred il-fdal minn Għir.”

20U ra lil Għamalek u beda jitkellem u jgħid:

“L-ewwel fost il-ġnus hu Għamalek;

imma tmiemu jkun qerda għal dejjem.”

21Ra lill-Kenin u beda jitkellem u jgħid:

“Imqar jekk tkun qawwija għamartek;

u l-bejta tiegħek tkun fil-blat,

22ħerba għad isiru l-Kenin,

kemm se jdum ma ijassrek Assur?”

23U raġa’ beda jitkellem u jgħid:

“Oh! Min jibqa’ ħaj meta Alla jagħmel dan?

24Jiġu l-iġfna minn Kittin,

u jgħakksu lil Assur u lil Għeber;

u mbagħad jinqered hu wkoll.”

25Balgħam qam u raġa’ lura lejn pajjiżu, u Balak qabad triqtu. Iżrael jadura lil Bagħal ta’ Pegħor