1Meta tagħmel it-tajjeb, kun af lil min qed tagħmlu,
u jroddulek ħajr għat-tajjeb tiegħek.
2Agħmel it-tajjeb ma’ bniedem sewwa u ħlas ikollok,
jekk mhux mingħandu, mingħand l-Għoli.
3Ma jikseb xejn tajjeb min iwebbes rasu fil-ħażen,
jew min ma jagħmilx karità.
4Agħti lill-bniedem sewwa,
u tgħinx lill-midneb.
5Agħmel it-tajjeb mal-umli,
u tagħtix lil bniedem ħażin;
iċħadlu ħobżu u tagħtihulux,
li ma jmurx bih jaħkem fuqek;
għax titħallas b’ħażen għal darba tnejn
għat-tajjeb kollu li tkun għamiltlu.
6Għax lanqas l-Għoli ma jaħmel il-midinbin,
u jitħallas minn dawk li ma jibżgħux minnu.
7Agħti lill-bniedem sewwa,
u tgħinx lill-midneb.
Ħbieb veri u ħbieb foloz8Il-ħabib ma jingħarafx fil-ġid,
u l-għadu ma jinħebiex fid-deni.
9Meta bniedem hu fil-ġid jitnikktu l-għedewwa tiegħu,
imma fl-għawġ ħabibu jitwarrab minnu.
10Qatt tafda l-għadu tiegħek,
għax bħalma r-ram isaddad,
hekk ukoll ħżunitu.
11Imqar jekk jiċċekken u jitbaxxa quddiemek,
oqgħod attent u għassa tiegħu;
kun għalih bħal wieħed inaddaf mera,
u tkun taf x’hemm taħt is-sadid.
12Tqegħdux maġenbek,
li ma jaqlibhilekx biex jeħodlok postok;
tqegħdux bilqiegħda fuq il-lemin tiegħek,
li ma jmurx ifittex li jeħodlok postok,
u fl-aħħar tiġi fi kliemi,
u tħoss in-nigża tiegħu għal li tkun għamilt.
13Min se jitħassar wieħed isaħħar is-sriep jekk qatt jingidem,
jew lil dawk li jersqu lejn il-bhejjem ħorox?
14Hekk ukoll lil wieħed li jindiehes ma’ midneb
u jkollu x’jaqsam miegħu fi dnubietu.
15Jibqa’ miegħek għal xi żmien
imma jekk taħbat tixxengel, ma jistabarx bik.
16L-għadu għandu fuq xufftejh kliem ħelu,
imma f’qalbu jfassal biex iwaqqgħek f’ħofra;
minn għajnejh l-għadu jnixxi d-dmugħ,
imma meta jiġih il-waqt, id-demm li jċarċar ma jkunx biżżejjed.
17Jekk tiltaqa’ ma’ xi għawġ, issibu hemm qablek;
u, bħallikieku se jtik daqqa t’id, joqgħod m’għarqubek biex jaqlibhielek;
18iċaqlaq rasu u jċapċap idejh,
u jgħid ħafna minn taħt l-ilsien, u jbiddel bixret wiċċu.
Who We AreWhat We EelieveWhat We Do
2025 by iamachristian.org,Inc All rights reserved.
