1Tobija wieġeb lil Tobit missieru u qallu: “Missier, nagħmel kulma għedtli.
2Imma kif nista’ nieħu mingħandu l-flus meta la hu ma jaf lili, u lanqas jien ma naf lilu? X’sinjal nista’ nagħtih biex jagħrafni, jemminni u jagħtini l-flus? U lanqas naf it-toroq li jieħdu għall-Medja biex immur hemm.”
3Tobit wieġeb u qal lil ibnu Tobija: “Hu tani kitba minn idu u jien tajtu oħra minn idi, imbagħad qsamtha f’biċċtejn, u ħadna waħda kull wieħed u tiegħi qegħedtha mal-flus. Issa għaddew għoxrin sena minn mindu jien ħallejt dawk il-flus. Issa, ibni, fittex bniedem tafdah, biex jiġi miegħek, u nħallsuh sakemm terġa’ lura; imbagħad mur u ġib il-flus mingħand Gabajel.”
4Tobija ħareġ ifittex raġel li jaf it-triq, biex imur miegħu l-Medja, u kif ħareġ isib l-anġlu Rafel wieqaf quddiemu, u ma għarafx li kien anġlu ta’ Alla. bin Ħananija l-kbir, mir-razza tiegħek.”
14Tobit imbagħad qallu: “Merħba bik, ħija, u jalla r-riżq. Teħodhiex miegħi, ħija, jekk ridt naf is-sewwa u x’inhi l-familja tiegħek. Ħabat sewwa li int qarib, ġej minn familja sewwa u tajba. Jien naf lil Ħananija u ’l Natan, iż-żewġ ulied ta’ Xemajja l-kbir; kienu jiġu miegħi Ġerusalemm u hemm jaduraw miegħi, u qatt ma tilfu triqthom. Ħutek nies sewwa. Int ħiereġ minn siġra tajba, u merħba bik.”
15U ssokta jgħidlu: “Jien inħallsek drakma kull jum u nagħtik kulma jeħtieġ għalik u għat-tifel tiegħi.
16Mur ma’ ibni, u meta terġgħu lura nżidlek xi ħaġa oħra.”
17U dak wieġbu: “Immur miegħu. Tibżax, qawwijin u sħaħ nitilqu, u qawwijin u sħaħ nerġgħu lura għandek, għax it-triq hija żgura.” Tobit wieġeb: “Tkun imbierek, ħija.” U sejjaħ lil ibnu u qallu: “Ibni, lesti l-meħtieġ għat-triq, u mur ma’ ħuk, u Alla li hu fis-sema jwassalkom hemmhekk bis-sliem, u jreġġagħkom lura għandi qawwijin u sħaħ. L-anġlu tiegħu jkun magħkom u jħariskom, ibni.”
Tobija qam u ħareġ biex jibda l-vjaġġ; bies lil missieru u lil ommu, u Tobit qallu: “Mur bis-sliema.”
18Imma ommu nfexxet tibki, u qalet lil Tobit; “Għaliex bgħatt lil ibni? Mhux forsi l-bastun ta’ idejna, dieħel u ħiereġ quddiemna?
19Flus bi flus aħjar nitlifhom, u nsalvaw it-tifel.
20Biżżejjed għalina ngħixu kif iridna l-Mulej.”
21U Tobit wieġeb: “Taħseb xejn. Qawwi u sħiħ jitlaq, u qawwi u sħiħ jerġa’ lura t-tifel għandna, u int tarah b’għajnejk qawwi u sħiħ.
22Titħasseb xejn, tibżax minħabba fih, oħti. Anġlu tajjeb imur u jimxi miegħu, titwittielu t-triq u jerġa’ lura qawwi u sħiħ.”
23U ma bkietx aktar.
Who We AreWhat We EelieveWhat We Do
2025 by iamachristian.org,Inc All rights reserved.
