ESDRA 8 - Maltese Bible with DC

Kapitlu 8

1Dawn huma l-kapijiet ta’ djar missirijiethom, skont l-arblu tar-razza tagħhom, li telgħu miegħi minn Babilonja meta kien qiegħed jaħkem is-sultan Artasersi.

2Minn ulied Fineħas kien hemm Gersum; minn ulied Itamar, Danjel; minn ulied David, Ħattus;

3minn ulied Sekanija …; minn ulied Pargħos, Żakkarija li miegħu kien hemm irreġistrati mija u ħamsin raġel;

4minn ulied Paħat-mowab, Eljeħugħenaj bin Żeraħija, u miegħu mitejn raġel;

5minn ulied Żattu, Sekanija bin Ġaħsijel, u miegħu tliet mitt raġel;

6minn ulied Għadin, Għebed bin Ġonatan, u miegħu ħamsin raġel;

7minn ulied Għelam, Isagħija bin Għatalija, u miegħu sebgħin raġel;

8minn ulied Sefatija, Żebadija bin Mikiel, u miegħu tmenin raġel;

9minn ulied Ġowab, Għobadija bin Ġeħijel, u miegħu mitejn u tmintax-il raġel;

10minn ulied Bani, Selomit bin Ġosifija, u miegħu mija u sittin raġel;

11minn ulied Bebaj, Żakkarija bin Bebaj, u miegħu tmienja u għoxrin raġel;

12minn ulied Għażgad, Ġoħanan bin Ħakkatan, u miegħu mija u għaxart irġiel;

13minn ulied Adonikam, li kienu tal-aħħar, li kien jisimhom Elifelet, Ġegħijel, u Semajja, u magħhom sittin raġel;

14minn ulied Bigwaj, Għutaj bin Żakkur, u magħhom sebgħin raġel.

15Ġbarthom ħdejn ix-xmara li tmur lejn Aħawa, u għaddejna tlitt ijiem hemmhekk taħt it-tined. U ħarist lejn il-poplu u l-qassisin, iżda fosthom Leviti ma sibtx.

16Għalhekk bgħatt għal Eligħeżer, Arjel, Semajja, Elnatan, Ġarib, Elnatan, Natan, Żakkarija, u Mesullam, kapijiet għaqlin.

17U bgħatthom għand Iddu, kap tal-inħawi ta’ Kasifija, u għedtilhom x’għandhom jgħidu lil Iddu u lil ħutu, l-ilsiera tat-tempju li kienu joqogħdu fl-inħawi ta’ Kasifija u biex iġibulna ministri għat-tempju ta’ Alla tagħna.

18U għax Alla kien tajjeb magħna, ġabulna wieħed jinqala’ minn ulied Naħli bin Levi, bin Iżrael, jismu Serebija; dan ġie flimkien ma’ wliedu u ħutu, b’kollox tmintax-il ruħ.

19Magħhom ġabulna wkoll minn ulied Merari, lil Ħasabija u ’l ħuh Isagħija u ’l uliedhom, b’kollox għoxrin ruħ.

20Mill-ilsiera tat-tempju, li David kien ħatar biex jaqdu lil-Leviti, ġabulna mitejn u għoxrin ilsir. Dawn kollha ġew irreġistrati b’isimhom.

21Hemm, imbagħad, ħdejn ix-xmara Aħawa, jien għamilt sejħa lil kulħadd biex isum, ħa numiljaw ruħna quddiem Alla u nitolbuh jagħtina vjaġġ tajjeb, lilna, lil uliedna u ’l-ġid tagħna.

22Għax jien kont stħajt nitlob lis-sultan jagħtina eżerċtu u kavallerija biex iħarsuna mill-għedewwa matul it-triq. Aħna konna għedna lis-sultan: “Alla tagħna hu ħanin ma’ kull min idur lejh, imma hu qalil fl-għadab tiegħu ma’ kull min jitilqu.”, u dawn għenu lill-poplu u lit-tempju ta’ Alla.