NUMRI 33 - Maltese Bible with DC

Kapitlu 33It-triq ta’ wlied Iżrael fid-deżert

1Dawn huma l-postijiet fejn waqfu wlied Iżrael, li ħarġu mill-Eġittu, mqassmin qatgħa qatgħa, taħt it-tmexxija ta’ Mosè u Aron.

13U telqu minn Dofka, u waqfu Alus.

14U telqu minn Alus, u waqfu Refidim; u hawn ma kienx hawn ilma għall-poplu x’jixrob.

15U telqu minn Refidim, u waqfu fid-deżert tas-Sinaj.

16U telqu mid-deżert tas-Sinaj, u waqfu Kibrotħattawa.

17U telqu minn Kibrotħattawa, u waqfu Ħaserot.

18U telqu minn Ħaserot, u waqfu Ritma.

19U telqu minn Ritma, u waqfu Rimmon-pereż.

20U telqu minn Rimmon-pereż, u waqqfu l-kamp Libna.

21U telqu minn Libna, u waqfu Rissa.

22U telqu minn Rissa, u waqfu Keħelata.

23U telqu minn Keħelata, u waqfu ħdejn il-muntanja ta’ Sefer.

24U telqu minn ħdejn il-muntanja ta’ Sefer, u waqfu Ħarada.

25U telqu minn Ħarada, u waqfu Makelot.

26U telqu minn Makelot, u waqfu Taħat.

27U telqu minn Taħat, u waqfu Teraħ.

28U telqu minn Teraħ, u waqfu Mitka.

29U telqu minn Mitka, u waqfu Ħasmona.

30U telqu minn Ħasmona, u waqfu Moserot.

31U telqu minn Moserot, u waqfu Bene-ġagħkan.

32U telqu minn Bene-ġagħkan, u waqfu Ħor-ħaggidgad.

33U telqu minn Ħor-ħaggidgad, u waqfu Ġotbata.

34U telqu minn Ġotbata, u waqfu Għabrona.

35U telqu minn Għabrona, u waqfu Għesjon-geber.

36U telqu minn Għesjon-geber, u waqfu fid-deżert ta’ Sin, li hu Kades.

37U telqu minn Kades, u waqfu ħdejn il-muntanja tal-Ħor f’tarf l-art ta’ Edom.

38Aron il-qassis tala’ fuq il-muntanja tal-Ħor skont il-kelma tal-Mulej, u miet hemm, fl-erbgħin sena mill-ħruġ ta’ wlied Iżrael mill-Eġittu, fil-ħames xahar, fl-ewwel tax-xahar.

41Telqu minn ħdejn il-muntanja tal-Ħor, u waqfu Salmona.

42Telqu minn Salmona, u waqfu Punun.

43Telqu minn Punun, u waqfu Obot.

44Telqu minn Obot, u waqfu Għijje-għabarim fi truf Mowab.

45U telqu minn Għijjim, u waqfu Dibon-gad.

46U telqu minn Dibon-gad, u waqfu Għalmon-diblatajm.

47U telqu minn Għalmon-diblatajm u waqqfu l-kamp fuq il-muntanji ta’ Għabarim, biswit Nebu.

48Telqu mill-muntanji ta’ Għabarim, u waqfu fil-wita ta’ Mowab, ħdejn il-Ġordan biswit Ġeriko.

49U waqfu ħdejn il-Ġordan minn Betġesimot sa Abel-sittim, fil-wita ta’ Mowab.Il-qasma tal-art

50U l-Mulej kellem lil Mosè fil-wita ta’ Mowab, ħdejn il-Ġordan, biswit Ġeriko, u qallu:Lev 26; Dt 7,1-6; 12,2-3.

51“Kellem lil ulied Iżrael u għidilhom: Intom se taqsmu l-Ġordan għall-art ta’ Kangħan,

52u tkeċċu minn quddiemkom in-nies kollha li jgħammru hemm, u teqirdu l-idoli minquxa u x-xbihat imdewba kollha tagħhom, u tħottu s-santwarji kollha fuq l-għoljiet.Eż 23,24; 34,13; Num 26,54-56; 1 Sam 9,12.

53Intom tirtu l-art u tgħammru fiha, għax lilkom tajtkom l-art biex tirtuha.

54Tqassam l-art bix-xorti bejn il-familji; il-kbar ikollhom biċċa kbira, iż-żgħar biċċa żgħira, kull waħda tieħu l-art fejn tmissha x-xorti; ikollkom il-wirt tagħkom skont it-tribujiet ta’ missirijietkom.

55Jekk intom ma tkeċċux in-nies li jgħammru fl-art minn quddiemkom, dawk li intom tħallu minnhom ikunulkom bħal xewk f’għajnejkom u niggieża f’ġenbejkom, u jkunu l-għedewwa tagħkom fl-art li intom tgħammru fiha.

56U jiġri li dak li jien ħsibt nagħmel lilhom, nagħmlu lilkom.”