Zaburi 149 - Swahili Congo Revised Bible 2002

Wimbo wa sifa juu ya ushindi

1Haleluia!

Mumwimbie Yawe wimbo mupya;

mumusifu katika kusanyiko la waaminifu!

2Umufurahie Muumba wako, ee Israeli;

ninyi wakaaji wa Sayuni, mumushangilie mufalme wenu.

3Mulisifu jina lake mukicheza,

mumwimbie kwa ngoma na zeze.

4Maana Yawe anapendezwa na watu wake;

yeye anawaheshimisha wanyenyekevu kwa kuwapa ushindi.

5Waaminifu wafurahi, wakitukuza Mungu,

hata wanapolala.

6Wamusifu Mungu kwa sauti kubwa,

wakishika panga zenye kukata pande mbili,

7wawalipize mataifa kisasi,

wawaazibu watu;

8wawafunge wafalme wao kwa minyororo,

nao waongozi wao kwa vifungio vya chuma,

9kusudi wawaazibu sawa ilivyoamuriwa!

Na huu ndio utukufu wa waaminifu wa Mungu.

Haleluia!