1Crijcunata pushaj anciano cashpami, tucui shunguhuambacha juyashpa, Gayo shuti juyashca huauquiman quilcani.
2Juyashca huauquigu, tucui imapipash ali cachunmi munani. Shinallata, imashnami cambaj espiritupi Taita Diostaca ali catijungui, chashnallata cambaj cuerpopipash ali cachunmi munani.
3“Na llullashpa villajuj shimitaca aligutami yachajushpa catijun” nishpami, caishuj huauquicunaca villaj shamuhuarca. Shina villajpimi, ninanda cushijurcani.
4Na llullashpa villajuj Shimitaca “aligutami catinajun” nijta uyashpami, ñuca huahuacunashna cajpi ninandapacha cushijuni.
Gayo shuti runagu juyaihuan mingachij cashcamanda5Juyashca huauquigu, canga tucui crijcunamambash, aliguta rurashpami, tucuita pactachijungui. Shuj llactacunamanda shamushca, na rijsishca crijcunatacarin ashtahuan juyaihuanmi mingachijushcangui.
6Can imashna juyashpa mingachishcataca, paicunami caipi tandanajushca crijcunaman villarca. Paicuna, Taita Diospajta ruranajushcamandami, paicuna ña rinajujpipash, tucuiguta ricushpa cachapangui nijuni.
7Paicunaca, Jesusta ninanda juyashpami, Jesusmanda villangapa llujshishpa rinajurca. Paicunaca, na crijcuna imata carajpipash na japinajurcachu.
8Na llullashpa villajuj Shimita ashtahuan villashpa catichunmi, paicunamanga imagutapash caranapacha canchi.
Diótrefes runa jarcashpa rimajushcamanda9Tandanajuj crijcunamanmi ña quilcarcani. Ashtahuangarin, Diótrefes runaca tucuipi pai mandangapa munashpami, ñucanchi rimashcataca na cazujun.
10Chashna cajpimi ñuca rishpaca, ñucanchita na alicachishpa, huasha parlashcata tapuchishpa rimagrisha. Paica, shuj crijcuna chayajpipash, na mingachishpami, maijan mingachingapa munajtapash, “napacha chashna ruranachu canguichi” nishpa, Diosta yarina huasimandapash llujchishpa cachajurca. Paica chashna rurashpami, ashtahuambacha na alita rurajurca.
Demetrioca aligutami causajushca11Juyashca huauquigu, chashna na alita ruranataca na catinachu cangui. Ashtahuangarin, alita ruranatallami yachajuna cangui. Maijan cashpapash aliguta rurashpa causajushpaca, Taita Dioshuanmi causajun. Ashtahuangarin, na alita rurashpa causajushpaca, Taita Diostaca napacha rijsishcachu.
12Demetriotaca, tucuicunami alicachishpa parlanajun. Na llullashpa villajuj Shimita catishpami, paica aliguta causajun. Ñucanchipashmi, paitaca alicachinchi. Ñucanchi villashca shimipash, na llulla cajtaca cangunallata yachanguichimi.
“Aliguta causapanguichi” nishpami tucuchishca13Canman quilcanataca, ashtacatami charini. Tintahuan, plumahuan quilcashpalla yachachingapaca na munanichu.
14Ashtahuangarin, canda ricungapami, ucha shamungapa munani. Chaipimi, ñavi ñavi ricushpa parlanajushun.
15Ali causaiguta charichunmi munani. Canda rijsijcunapash, “alillachu capangui” ninajunmi. Ñucanchipaj rijsicunatapash tucuicunatallata, “alillachu capanguichi” ninajunmi, nishpa villapangui.
Who We AreWhat We EelieveWhat We Do
2025 by iamachristian.org,Inc All rights reserved.
