1¿Pita chai Edom llactamandaca shamujun-
¿Pita Bosra shuti pueblomandaca, puca churajunata churajushca shamujun?
Juyailla churajunata churajushca, ninan ushaihuan shamujuj runaca, ¿pitayari?
“Quishpichingapa ninan ushaita charij, ali cashcatalla rimaj Ñucami shamujuni” ninmi.
2¿Imamandata cambaj churajunaca puca canga?
¿Imashpata, cambaj churajunaca, uvacunata sarujpi pucayashcashna canga?
3“Ñucallami, uvacunata cutana pushtupica, uvacunata sarushcani.
Shuj llactamanda gentecunaca, pipash na chaipichu carca.
Ñucaca, ninanda fiñarishpami, uvacunataca yapata sarujurcani.
Shina rurajpimi, ñuca churajunaca, uva yacuhuan pucayarca.
4Paicunatapash randi llaquichina punlla chayamunatami, ñuca shungupi yarijuni.
Ñuca agllashca gentecunapajca, ninanda cushijuna punllacunami chayamushca.
5Ñucata yanapangapaca, pipash illarcami.
Ñucata shinllichingapaca, pipash illajpimi ninanda llaquirircani.
Chaimandami, ninan ushaihuan shayarishpa misharcani.
Ñuca ninanda fiñarishcami shinllichihuarca.
6Ñuca ninanda fiñarishpami, gentecunataca sarurcani.
Ninandapacha fiñarishpami, paicunapaj yahuartaca alpapi jicharcani” ninmi.
Israelcunataca, Mandaj Dios ninanda juyashcamanda7Mandaj Diosca, ninanda llaquij cajtami yarishpa villasha.
Mandaj Dios, ñucanchiman tucuita carajpi, Paita alicachishpa candashcatami villajusha.
Israelcunata ninanda llaquishpa, tucuita carashcatami villajusha.
Pai ninanda llaquishpa, juyashcamandami chashna villajusha.
8Diosca cashnami nirca:
“Paicunaca, Ñuca agllashca, na llullaj ñuca huahuacunami” nircami.
Shina nishpami, paicunataca Quishpichirca.
9Paicunata ninan llaquicuna japijpica, Paipashmi llaquirijurca.
Chaimandami, Paipaj angelta cachamushpa, llaquimanda llujchirca.
Pai juyashpa llaquishpami, quishpichishpa pushamurca.
Shinami, punda huatacunapi pandarishpa urmajpipash, cutin juyashpa pushamurca.
10Ashtahuangarin, paicunaca na cazujcuna cashpami, jucha illaj Paipaj Espirituta fiñachinajurca.
Chaimandami Diosca, paicunata fiñashpa, ninanda llaquichirca.
11Shina cajpipash, ñaupa punllacuna, Israelcunata Moisés llujchimushcata yarishpami, cashna ninajurca:
“Llamacunatashna michij, mama cuchata chimbachishpa vichai pushamuj Diosca, ¿maipitayari?
Tucuicunapaj chaupipi, jucha illaj Paipaj Espirituta churaj Diosca, ¿maipitayari?
12Moisestaca, Paipaj ninan ushaihuanmi yanapashpa pushamurca.
Paimi, tucuicunapaj ñaupajpi jatun cucha yacuta chaupirca.
Shina rurajpimi, causaita causaicaman Paipaj Shutitaca yarinajunga.
13Manllanayai yacu chaupicunatami pushamurca.
Jichushca pambapi caballotashna, na nitijachishpami pushamurca.
14Mandaj Diospaj Espiritumi,
pugru pambaman urai rinajuj animalcunatashna michishpa pushamurca” ninajurcami.
Chashnami, Cambaj shutita tucuicuna rijsishca cachunga,
Can agllashcacunataca michijurcangui.
Llaquipi causanajushpa, Dios yanapachun mañashcamanda15Jahua pachamanda ñucanchita ricuhuailla.
Can causana jucha illaj, punchapamba huasimanda ñucanchita ricuhuailla.
Cambaj jatun juyaipash, ninan ushaipash, ñucanchita tucui shunguhuan llaquinapash,
¿cunanga maipita saquirishca?
¿Ñachu ñucanchitaca, cungarcanguilla?
16Ashtahuangarin Canmi, ñucanchi Taita cangui.
Abrahambash, ñucanchita na yarijpi,
taita Israelpash ñucanchita cungajpica,
Mandaj Diosllami, ñucanchipajca Taita cangui.
Cambaj shutica, causaita causaicaman ñucanchita Quishpichijmi.
17Mandaj Dioslla, ¿imashpata ñucanchitaca, Cambaj ñanmanda pandarishpa anchurichun saquircangui?
¿Imashpata, Canda na cazuchun, ñucanchi shunguta shinlliyachircangui?
Cambajta rurajcunata, Can carashca alpacunapi causaj ayllucunata, cutin juyapailla.
18Cambajlla shicanyachishca gentecunaca, asha huatacunatallami chaipi causarcanchi.
Cambajlla huasitapash, ñucanchita fiñajcunami sarunajurca.
19Can mandashcata napacha cazujcunashnami, llaquichi tucushcanchi.
Cambaj shutita napacha mañashpa causajcunashnami llaquichi tucushcanchi.
Who We AreWhat We EelieveWhat We Do
2025 by iamachristian.org,Inc All rights reserved.
