1Mandaj Diosta manllashpa causaj runaca, ninandami cushijunga.
Paica, Dios mandashcacunataca cushijushpami pactachin.
2Chashna causajcunapaj miraicunaca, cai pachapica ninan ushaitami charinga.
Alita rurashpa causajcunapaj miraicunami, chashna bendiciai tucushca canga.
3Paicunapaj huasipica, imapash ashtacapachami tiyanga.
Alitalla rurashpami, tucuipi ñaupajman rinajunga.
4Alitalla rurajcunaca, yana tutapi punchayachij michashnami canga.
Paicunaca, juyaj, llaquij, alitalla ruraj cashcamandami chashna canga.
5Ali shunguta charij runaca, imata cashpapash alitallami ruran.
Paica, tucuipi aliguta yarishpami causajun.
6Shinamandami paica, napacha pandanga.
Paitaca, causaita causaicamanmi yarinajunga.
7Ima llaquita uyashpapash, na manllangachu.
Paica, Mandaj Diospi shuyashpami, na manllashpa causanga.
8Paica, imamanda llaquirinatapash, manllanatapash na charingachu.
Paita fiñajcuna llaquipi urmangacamanmi, na manllanga.
9Imagutapash na charijcunamanmi, llaquishpa caranga.
Paica tucui causaipimi, alitalla rurashpa causanga.
Paica, ninanda alicachi tucushcami canga.
10Diosta na manllaj runa chaita ricushpaca, ninandami fiñaringa.
Quiruta canirishpami, ninandapacha fiñaringa.
Diosta na manllajcuna imata munashcapash, na pactangachu.
Who We AreWhat We EelieveWhat We Do
2025 by iamachristian.org,Inc All rights reserved.
