1Na alita rurajcuna yachachishcata na catij runaca, ninandami cushijun.
Paica, juchata rurashpa causajcunahuanga, na tandanajunllu.
Diosta na cazushpa asijcunahuambash, na tandanajunllu.
2Ashtahuangarin Mandaj Dios mandashca Shimicunata pactachishpami cushijun.
Tutapash, punllapash chai mandashca Shimicunataca aliguta yarishpami causajun.
3Paica, ninanda rijuj yacu manñacunapi tarpushca quirushnami canga.
Fucuna punllapi ninanda fucujunshnami canga.
Fangacunapash, na chaquishpa urmanllu.
Imata rurajpipash tucuimi ali llujshinga.
4Na alita rurajcunaca na chashnachu.
Paicunaca, huaira shamushpa jahuata apai tucuna jupashnami.
5Shina cashcamandami, na alita rurajcunaca, Taita Dios llaquichijui punllapica llaquichi tucunga.
Alitalla rurajcunapaj tandanajuipica, juchata rurajcunaca na tandanajungachu.
6Mandaj Diosca, alitalla rurajcunataca alimi rijsin.
Ashtahuangarin na alicunaca, chingaimanmi rinajun.
Who We AreWhat We EelieveWhat We Do
2025 by iamachristian.org,Inc All rights reserved.
