1Gaza shuti pueblopi causaj filisteo gentecunata, Faraón nara tucuchijpillata, profeta Jeremiasman, Mandaj Dios villashca shimicunami.
2Mandaj Diosca, cashnami nirca: “Janaj llactamandaca, yacu ninanda jatarinshnami shamunajun.
Cai llactapi tiyaj pueblotapash, chaipi causajcunandimi tucuillata tucuchinga.
Cai llactapi causaj runacunaca ninandami caparinajunga.
Chai llactapi tucui gentecunami ninanda llaquirishpa huacanajunga.
3Caballocuna calpamuntapash, carretacuna huacamuntapash uyashpami calpanajunga.
Taitacunapash, ushai illaj cashpami, huahuacunataca jichushpa saquinajunga.
4Tucuilla filisteo gentecunata tucuchina punllami chayamujun.
Paicunata yanapanajuj, Tiro shuti, Sidón shuti pueblocunapash tucuringami.
Mama cucha manñapi tiyaj Caftor shuti llactapi huaquin puchushca filisteo gentecunatapash, Mandaj Dios Ñucami tucuchisha.
5Gaza shuti pueblopi causajcunataca, tucuillami tucuchirca.
Ascalón shuti pueblopi causajcunapash tucurircami.
Chai pueblo pugru pambapi puchushcacunaca,
¿Ima punllacamanda chashna llaquita apagringuichi?
6Ninanda fiñarishpa llaquichij Mandaj Dioslla.
¿Ima punllacamanda, chashna llaquichigringui?
Ama ashtahuan llaquichishpa, saquipailla.
7Mandaj Dios Ñucami, Ascalón pueblopi causajcunatapash,
mama cucha manñapi tiyanajuj llactapi causajcunatapash na llaquishpa tucuchisha” nircami.
Who We AreWhat We EelieveWhat We Do
2025 by iamachristian.org,Inc All rights reserved.
