1Huajchacunaman micunata carashpaca, jipa punllacunapimi cutin japingui.
2Canchispuraman cashpa, pusajpuraman cashpapash chaupishpa caranguilla. Llactapaj ima llaqui shamunataca na yachanguichu.
3Fuyuca, yacu junda cashpami, alpapi tamiamun. Quirupash, uraman urmashca cashpa, janajman urmashca cashpapash, chaipillatami saquiringa.
4Ali punllatapacha shuyajcunaca, na tarpungachu. Tamiatalla shuyaj runapash, granota na tandachingachu.
5Huaira maiman rijujtapash, huarmipaj vijsapi huahuapaj tullucuna imashna viñajujtapash, canga na yachanguichu. Shinallatami, Taita Dios tucuita imashna rurashcatapash canga na yachangui.
6Tutamandapash muyutaca tarpunallami. Chishimambash tarpunallami. Punda tarpushca, jipa tarpushca, maijan ali canatapash canga na yachanguichu. Ishcandillata ali cangallami.
7Punchapamba michaguca juyaillagumari. Indita ricunapash aligupachami.
8Runacunaca, unai huatacunata cushijushpa causashca cashpapash, huañuna punllacuna chayamunataca yachanami canguichi. Jipaman ima tucunapash yangallatami.
Chairalla viñaicunaman ali yuyaicunata cushcamanda9Chairalla viñai cashpallatami cushijushpa causana cangui. Chairalla viñai cashpallatami, can imata munashcata, imata ricushcatapash tucui shungu rurashpa causana cangui. Shina cashpapash, tucui chaicunataca Taita Dios ricujushcata yachashpami, aligutalla rurashpa causana cangui.
10Fiñarina yuyaitaca, cambaj shungumanda anchuchinami cangui. Na alita ruranatapash saquinami cangui. Chaira viñaicunapaj punllacunaca, ñapash tucurinalla yangapachami.
Who We AreWhat We EelieveWhat We Do
2025 by iamachristian.org,Inc All rights reserved.
