1Tucui shunguhuanmi, Candaca alicachisha.
Rurashcalla dioscunapaj ñaupajpimi,
Jatun Diosmanga salmocunata candasha.
2Cambajlla huasiman ricushpa cungurishpami alicachisha.
Can juyaj cashcamanda, tucuita pactachij cashcamandami alicachisha.
Canmi, Cambaj shutitapash, Cambaj Shimitapash tucuita yali jatumbi churashcangui.
3Ñuca ninanda mañajujpica uyahuarcanguimi.
Ñucaman ushaita cushpami shinllichihuarcangui.
4Mandaj Dioslla,
candaca cai pachapi tucui jatun mandajcunami alicachinajunga.
Cambaj rimashca shimita uyashca cashpami alicachinajunga.
5Mandaj Dios imatalla rurashcata yachashpami alicachinajunga.
Mandaj Diospaj ushaica jatumbachami.
6Mandaj Diosca, tucuita yali jatunyachi tucushcami.
Shina cashpapash, ali shunguhuan causajcunatami uyajun.
Ashtahuangarin jariyashpa causajtaca, carumandallami ricujun.
7Ninan llaquicunahuan causajujpipash, Canmi yanapahuangui.
Ñucata fiñajcunataca, Cambaj maquihuanmi llaquichipangui.
Cambaj ushaihuanmi quishpichihuangui.
8Mandaj Diosca, ñucaman imata rurangapa munashcataca pactachingami.
Mandaj Dioslla,
Cambaj juyaica causaita causaicamanmi.
Cambaj maquihuan rurashcami cani,
Shina cashcamanda, ama jichushpa saquihuaichu.
Who We AreWhat We EelieveWhat We Do
2025 by iamachristian.org,Inc All rights reserved.
