1Cangunata na llaquichingapa munashpami, “cutinga na rishachu” yajurcani.
2Cangunata ñuca llaquichijpica, ¿pita ñucataca cushichihuanga? Cangunallatami, ñucataca cushichihuanguichi.
3Chaitallatami cangunamanga quilcamurcani. Cangunapajman chayamujpi, cushichina randica, ama llaquichinajuchun yashpami na shamurcani. Ñuca cushijujpica, cangunapash tucuicuna cushijushca canataca alimi yacharcani.
4Chaimandami cangunamandaca, ninandapacha llaquirishpa, ninanda huacashpa quilcamurcani. Cangunata llaquichingapaca na munarcanichu. Ashtahuangarin, ñuca ninanda juyajujta yachachunmi quilcamurcani.
Pabloca, paita llaquichijta perdonashcamanda5Ñucata llaquichijcunaca, na ñucatalla llaquichircachu. Ashtahuangarin, cangunatapash tucuillatami llaquichirca. (Ama yapata ningapa munashpami) cashnatalla nijuni.
6Na alita ruraj runataca, taucapurami ña llaquichishcanguichi. Ña chaitallami llaquichina canguichi.
7Ashtahuangarin, ama yapa llaquirishca purijuchunmi perdonashpa, cushichina canguichi.
8Chaimandami paitaca juyashpa, cutin shinllichipanguichi nishpa mañani.
9Ñuca imata nijujtapash, cazujta, na cazujta yachangapami shina quilcarcani.
10Maijanda canguna perdonajpipash, ñucapashmi perdonasha. Ima na alita rurashcata perdonana cajpica, cangunapaj ali cachunmi, Cristopaj ñaupajpi chashna perdonarcani.
11Satanás, ñucanchita imashna umachishpa pandachij cajta ali yachashpami, perdonarishpa causana canguichi.
Troas pueblopimi Pabloca llaquillapacha cashca12Cristomanda ali villanata villangapami Troas puebloman chayarcani. Chaipi villachunmi, Apunchi Jesusca punguta pascajshna saquihuarca.
13Ñuca huauqui Titota na tuparishpami, ninanda llaquirishpa, ñuca shungupipash na samai usharcani. Shina cashpami, Troas pueblopi causajcunataca “cayacaman” nishpa, Macedonia llactaman rircani.
Cristohuanmi ima na alitapash mishanchi14Ashtahuangarin, tucui na alicunatapash, Cristo Jesushuan mishajushpami, Taita Diostaca “pashi” nijuni. Shina cajpimi, ñucanchi villajpi, chai mishquilla ashnajun juyailla shimitaca, maipi cashpapash yachaj chayanajun.
15Ñucanchica, crijcunapaj ñaupajpipash, na crijcunapaj ñaupajpipash, Cristomandami, Taita Diospaca mishquillagu ashnajujshna canchi.
16Quishpirina chai shimillatami, na crijcunataca, huañuiman cachajun. Ashtahuangarin, quishpirishcacunataca, causaita causachunmi pushajun. Chaicunataca, ¿pita aliguta pactachi ushangayari?
17Ñucanchica na paicunashna imatapash japingapalla, Diospaj Shimita huaglichishpa villajcunachu canchi. Ashtahuangarin, Taita Dios mingajpimi, Taita Diospaj ñaupajpi, Cristomanda na llullashpa villanajunchi.
Who We AreWhat We EelieveWhat We Do
2025 by iamachristian.org,Inc All rights reserved.
